(vovworld) - ​ ​ວັນ​ທີ 06 ພະຈິກ, ຢູ່​ຮ່າ​ໂນ້ຍ, ສະຫະພັນ​ບັນດາ​ອົງການຈັດ​ຕັ້ງ​ມິດຕະພາບ​ຫວຽດນາມ ​ແລະ ສະມາຄົມ​ມິດຕະພາບ​ຫວຽດນາມ - ກຳ​ປູເຈຍ ​ໄດ້​ຈັດງາມ​ໂຮມ​ຊຸມ​ນຸມສະ​ເຫຼີມສະຫຼອງ 60 ​ປີແຫ່ງ​ວັນຊາດ​ລາຊະ​ອານາຈັກ​ກຳປູ​ເຈຍ (09 ພະຈິກ 1953 – 09 ພະຈິກ 2013). ກ່າ​ວຄຳ​ເຫັນ​ທີ່​ພິທີ, ທ່ານ ຫວູໝ້າ​ວ, ປະທານ​ສະມາຄົມ​ມິດຕະພາຍ​ຫວຽດນາມ - ກຳປູ​ເຈຍ ​ເນັ້ນ​ໜັກ​ວ່າ​; ຫວຽດນາມ ​ແລະ ກຳປູ​ເຈຍ ​ແມ່ນ 2 ປະ​ເທດ​ຖານ​ບ້ານ​ໃກ້​ເຮືອນ​ຄຽງທີ່​ມີ​ການ​ພົວພັນ​ມິດຕະພາບ​ມາ​ແຕ່​ດົນ​ນານ. ​ໃນ​ຊຸມ​ປີ​ມໍ່ໆ​ມາ​ນີ້, ການ​ນຳ​ຂັ້ນ​ສູງ 2 ປະ​ເທດ​ໄດ້​ມີ​ການ​ຢ້ຽມຢາມ ​​ແລະ ​​ເຈລະຈາ​ນຳ​ກັນ​ເປັນ​ປະຈຳ. ການ​ຮ່ວມ​ມື​ດ້ານ​ເສດຖະກິດ​ລະຫວ່າງ 2 ປະ​ເທດ​​ໄດ້​ມີ​ບາດກ້າວ​ພັດທະນາ​ໃໝ່, ວົງ​ເງິນ​ການ​ຄ້າ​ 2 ຝ່າຍເພີ່ມ​ຂຶ້ນ​. ຄຽງ​ຂ້າງ​ນັ້ນ, 2 ປະ​ເທດ​ກໍ່​ເອົາ​ໃຈ​ໃສ່​ຊຸກຍູ້​ການ​ຮ່ວມ​ມື​ໃນ​ທຸກ​ຂົງ​ເຂດ​ເຊິ່ງທັງ 2 ຝ່າຍ​ມີຄວາມ​ສາມາດ​ບົມຊ້ອນ ​ແລະ ​ທ່າ​ແຮງຄື: ການ​ສຶກສາ - ບຳລຸງ​ສ້າງ, ພະລັງງານ, ສາທາລະນະ​ສຸກ, ຄົມມະນາຄົມ​ຂົນ​ສົ່ງ... ປີ 2012, 2 ປະ​ເທດ​ໄດ້​ຈັດ​ຕັ້ງ “ປີ​ມິດຕະພາບຫວຽດນາມ - ກຳປູ​ເຈຍ” ສຳ​ເລັດ​ຜົນ ດ້ວຍ​ການ​ເຄື່ອນ​ໄຫວ​ຫຼາຍ​ຢ່າງ, ອັນ​ໄດ້​ປະກອບສ່ວນ​ສຳຄັນ​ເຂົ້າ​ໃນ​ການ​ປັບປຸງ ​ແລະ ​ເພີ່ມ​ທະວີ​ການ​ພົວພັນ​ມິດຕະພາບ​ຖານ​ບ້ານ​ໃກ້​ເຮືອນ​ຄຽງ​ທີ່​ເປັນ​ມູນ​ເຊື້ອ ​ແລະ ການ​ຮ່ວມ​ມື​ຮອບດ້ານ​ລະຫວ່າງ​ຫວຽດນາມ - ກຳ​ປູ້​ເຈຍ ຢ່າງ​ບໍ່​ຢຸດ​ຢັ້ງ.