ສະເຫຼີມສະຫຼອງ 61 ປີ ແຫ່ງວັນ ແຂວງ ເບັ໊ນແຈ ພ້ອມກັນລຸກຮືຂຶ້ນ ແລະ ເຊີດຊູບັນດານາມມະຍົດ “ກຳມະກອນລຸກຮືຂຶ້ນ”
(VOVWORLD) - ຕອນຄ່ຳວັນທີ 16 ມັງກອນ, ແຂວງ ເບັ໊ນແຈ ໄດ້ຈັດຕັ້ງພິທີສະເຫຼີມສະຫຼອງ 61 ປີ ແຫ່ງວັນ ແຂວງເບັ໊ນແຈພ້ອມກັນລຸກຮືຂຶ້ນ” (ວັນທີ 17 ມັງກອນ 1960 – 17 ມັງກອນ 2021) ແລະ ເຊີດຊູນາມມະຍົດ “ກຳມະກອນລຸກຮືຂຶ້ນ”. ທີ່ພິທີ, ບັນດາຜູ້ແທນໄດ້ພ້ອມກັນຫວນຄືນສະພາບການ, ບັນຍາກາດ ແລະ ຂອບຂະໜາດປະຫວັດສາດຂອງຂະບວນການພ້ອມກັນລຸກຮືຂຶ້ນ ຢູ່ດິນແດນເບັ້ນແຈ ໃນ 61 ປີຄືນຫຼັງ.
 ການນຳພັກແຂວງ ເບັ໊ນແຈ ມອບນາມມະບົດ “ກຳມະກອນລຸກຮືຂຶ້ນ” |
ເສີມຂະຫຍາຍນ້ຳໃຈລຸກຮືຂຶ້ນໃນປີ 1960, ອົງຄະນະພັກ - ອຳນາດການປົກຄອງ, ກອງທັບ ແລະ ປະຊາຊົນ ແຂວງ ເບັ໊ນແຈ ໄດ້ແຂ່ງຂັນກັນສ້າງຂະບວນການ “ລຸກຮືຂຶ້ນໃນສະໄໝໃໝ່”. ນັ້ນແມ່ນການເພີ່ມທະວີການອອກແຮງງານ, ທຳການຜະລິດ, ພັດທະນາເສດຖະກິດ, ປັບປຸງ ແລະ ຍົກສູງຊີວິດການເປັນຢູ່ຂອງປະຊາຊົນເທື່ອລະກ້າວ, ກໍ່ສ້າງພື້ນຖານໂຄງລ່າງ, ສ້າງຊົນນະບົດໃໝ່; ຕັ້ງໜ້າປ້ອງກັນ, ສະກັດກັ້ນໂລກລະບາດ, ໄພທຳມະຊາດ, ໄພແຫ້ງແລ້ງ... ຈາກນັ້ນ ຊ່ວຍແຂວງ ເບັ໊ນແຈ ຫຼຸຸດພົ້ນອອກຈາກສະພາບທີ່ຫຍຸ້ງຍາກ, ສູ້ຊົນກາຍເປັນແຂວງພັດທະນາຢູ່ລະດັບປານກາງ ຂອງເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ.