(VOVWORLD) - ຕອນບ່າຍວັນທີ 13 ກຸມພາ, ຢູ່ຮ່າໂນ້ຍ, ສື່ເອເລັກໂນນິກ ພັກກອມມູນິດ ຫວຽດນາມ ໄດ້ຈັດຕັ້ງພິທີສະເຫຼີມສະຫຼອງ 20 ປີ ແຫ່ງວັນສ້າງຕັ້ງ ແລະ ຕ້ອນຮັບຫຼຽນໄຊແຮງງານຊັ້ນ II ຂອງ ປະທານປະເທດ.
 ທ່ານຫວໍວັນເຖື໋ອງ ຕິດຫຼຽນໄຊແຮງງານຊັ້ນ II ໃສ່ ທຸງມຸນເຊື້ອຂອງ ສື່ເອເລັກໂຕນິກ ພັກກອມມູນິດ ຫວຽດນາມ (ພາບ: TTXVN) |
ເຂົ້າຮ່ວມພິທີມີທ່ານ ຫວໍວັນເຖື໋ອງ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາ ສຶກສາສູນກາງພັກກອມມູນິດ ຫວຽດນາມ ຜູ້ຕາງໜ້າການນຳບັນດາກະຊວງ, ຂະແໜງການ, ອົງການຈັດຕັ້ງມະຫາຊົນຂັ້ນສູນກາງ.
ກ່າວຄຳເຫັນທີ່ພິທີ, ທ່ານ ເລແມງຮູ່ງ ຮອງຫົວໜ້າຄະນະໂຄສະນາສຶກສາສູນກາງພັກໄດ້ຍ້ອງຍໍຊົມເຊີຍບັນດາໝາກຜົນທີ່ສື່ເອເລັກໂຕນິກ ພັກກອມມູນິດ ຫວຽດນາມບັນລຸໄດ້ບົນເສັ້ນທາງແຫ່ງການພັດທະນາໃນ 20 ປີຜ່ານມາ. ທ່ານ ເລແມງຮູ່ງ ສະເໜີວ່າ ໝູ່ຄະນະສື່ເອເລັກໂຕນິກຈະສືບຕໍ່ສະໜອງບັນດາຂໍ້ມູນຂ່າວສານກ່ຽວກັບແຜນນະໂຍບາຍ, ແນວທາງຂອງ ພັກ, ນະໂຍບາຍກົດໝາຍຂອງລັດໃຫ້ທ່ານຜູ້ອ່ານທຸກຄົນທັງຢູ່ພາຍໃນ ແລະ ຕ່າງປະເທດຢ່າງທັນການ, ຮັບປະກັນລັກສະນະກຳນົດທິດ, ທາງການ, ມີຄວາມຈິງ ຂອງ ຂໍ້ມູນຂ່າວສານ…
ທີ່ພິທີ,ໂດຍໄດ້ການມອບສິດຂອງປະທານປະເທດ, ທ່ານຫວໍວັນເຖື໋ອງໄດ້ມອບຫຼຽນໄຊແຮງງານຊັ້ນ II ໃຫ້ແກ່ໝູ່ຄະນະພະນັກງານ, ນັກຂ່າວ, ບັນນາທິການສື່ເອເລັກໂຕນິກພັກກອມມູນິດ ຫວຽດນາມ, ມອບຫຼຽນໄຊແຮງງານຊັ້ນ III ໃຫ້ແກ່ທ່ານ ເຈິ່ນຢວານຕ໊ຽນ ຫົວໜ້າບັນນາທິການສື່ເອເລັກໂຕນິກພັກກອມມູນິດ ຫວຽດນາມ ຍ້ອນມີຜົນງານຫຼາຍຢ່າງໃນວຽກງານໂຄສະນາເຜີຍແຜ່ໃນຊຸມປີທີ່ຜ່ານມາ.