ທ່ານໂຮ່ກວາງເລີ້ຍ, ຮອງປະທານຜູ້ປະຈຳການສະມາຄົມນັກຂ່າວຫວຽດນາມ (ພາບ: TTXVN)

ໂດຍຕອບສຳພາດຕໍ່ບັນດານັກຂ່າວສຳນັກຂ່າວສານ, ສື່ມວນຊົນ ເນື່ອງໂນໂອກາດສະເຫຼີມສະຫຼອງ 95 ປີແຫ່ງວັນສື່ມວນຊົນປະຕິວັດຫວຽດນາມ (21 ມິຖຸນາ 1925 – 21 ມິຖຸນາ 2020), ທ່ານໂຮ່ກວາງເລີ້ຍ, ຮອງປະທານຜູ້ປະຈຳການສະມາຄົມນັກຂ່າວຫວຽດນາມໃຫ້ຮູ້ວ່າ: ປະຈຸບັນ, ຜູ້ປະກອບອາຊີບເປັນນັກຂ່າວ    ພວມປະສົບກັບກຳລັງດັນຈາກ ສື່ສັງຄົມອອນລາຍຍ້ອນວ່າ ສື່ສັງຄົມອອນລາຍພວມແຂ່ງຂັນກັບສື່ມວນຊົນໃນການລົງຂ່າວອອກສູ່ສັງຄົມ. ເພາະສະນັ້ນ, ສື່ມວນຊົນຕ້ອງສືບຕໍ່ປ່ຽນແປງໃໝ່ກ່ຽວກັບວິທີການດ້ານອາຊີບ, ປັບປຸງຢ່າງແຮງກ່ວາ, ໜູນໃຊ້ທ່າໄດ້ປຽບກ່ຽວກັບເຕັກໂນໂລຢີຂໍ້ມູນຂ່າວສານເພື່ອນຳໃຊ້ໃຫ້ແກ່ການພັດທະນາ. ທ່ານໂຮ່ກວາງເລີ້ຍ ເນັ້ນໜັກວ່າ: ຕ້ອງສ້າງພື້ນຖານສື່ມວນຊົນປະຕິວັດຫວຽດນາມໃຫ້ເຕັມໄປດ້ວຍລັກສະນະຕໍ່ສູ້ ແລະ ມະນຸດສະທຳ, ເປັນມືອາຊີບ ແລະ ທັນສະໄໝເພື່ອໃຫ້ຜູ້ປະກອບອາຊີບເຮັດເປັນນັກຂ່າວສືບຕໍ່ປະກອບອາຊີບຕາມທິດນຳ ພາວະວິໄສ, ເຄົາລົບຕໍ່ຄວາມຈິງ, ປົກປ້ອງຄວາມເປັນທຳ ແລະ ຄວາມຖືກຕ້ອງ. ທ່ານ ໂຮ່ກວາງເລີ້ຍ ມີຄວາມເຊື່ອໝັ້ນຕໍ່ອະນາຄົດຂອງສື່ມວນຊົນໃນການຮັບປະກັນການລົງຂ່າວຢ່າງທັນການ, ຊັດເຈນ, ມີກຳລັງເກ້ຍກ່ອມສຳລັບສັງຄົມ ແລະ ມີລັກສະນະສ້າງສັນສູງ.