ທ່ານລັດຖະມົນຕີການຕ່າງປະເທດ ບຸ່ຍແທັງເຊີນ ກ່າວສູນທອນພົດທີ່ພິທີ (ພາບ: sggp.org.vn)

ໃນສູນທອນພົດທີ່ພິທີສະເຫຼີມສະຫຼອງ, ທ່ານລັດຖະມົນຕີການຕ່າງປະເທດ ບຸ່ຍແທັງເຊີນ ເນັ້ນໜັກວ່າ ເອກະລາດ, ການສ້າງຄວາມເຂັ້ມແຂງດ້ວຍຕົນເອງ ແລະ ຜືນແຜ່ນດິນອັນຄົບຖ້ວນ ແມ່ນຫຼັກການທີ່ບໍ່ມີວັນປ່ຽນແປງ, ແມ່ນເສັ້ນໃໝແດງອັນລຸລ່ວງຂອງປະຫວັດສາດນັບພັນປີແຫ່ງການສ້າງສາ ແລະ ປົກປັກຮັກສາປະເທດຊາດ. ໄປຄຽງຄູ່ກັບຄວາມອົງອາດກ້າແກ່ນປົກປັກຮັກສາເອກະລາດ, ອະທິປະໄຕແຫ່ງຊາດ, ລຸ້ນພໍ່ລຸ້ນອ້າຍຍາມໃດກໍເອົາໃຈໃສ່ເຖິງວຽກງານການຕ່າງປະເທດ, ສ້າງເປັນມູນເຊື້ອ ແລະ ສີສັນສະເພາະຂອງພື້ນຖານການທູດ ຫວຽດນາມ ທີ່ເຕັມໄປດ້ວຍຄວາມສະຫງ່າອົງອາດຜ່າເຜີຍ, ຮັກຫອມສັນຕິພາບ, ເຄົາລົບຄວາມເປັນທຳ ແລະ ຍຸຕິທຳ. ກ່ອນນີ້ເຄິ່ງສະຕະວັດເຕັມ, ສັນຍາ ປາຣີ ໄດ້ລົງນາມ ສິ້ນສຸດສົງຄາມທີ່ແກ່ຍາວທີ່ສຸດໃນສະຕະວັດທີ XX, ສ້າງປະຖົມປັດໄຈເພື່ອປະຊາຊົນ ຫວຽດນາມ ປະຕິບັດຄວາມຄາດຫວັງສັນຕິພາບ, ເອກະລາດແຫ່ງຊາດ, ທ້ອນໂຮມປະເທດຊາດເປັນເອກະພາບ ແລະ ພັດທະນາຢ່າງຈະເລີນຮຸ່ງເຮືອງ.

        ສ່ວນທ່ານນາງ Helene Luc, ສະມາຊິກສະພາສູງກິຕິມະສັກ, ປະທານກິຕິມະສັກ ສະມາຄົມມິດຕະພາບ ຝລັ່ງ - ຫວຽດນາມ, ຢືນຢັນວ່າ ເຖິງວ່າ 50 ປີ ໄດ້ຜ່ານໄປ ນັບແຕ່ເມື່ອສັນຍາ ປາຣີ ໄດ້ລົງນາມ, ແຕ່ນ້ຳໃຈ ແລະ ຄວາມເບິກບານໃຈຂອງເພິ່ນຍັງເໝືອນເດີມ. ຕາມທ່ານນາງແລ້ວ, ປະຊາຊົນທົ່ວໂລກລ້ວນແຕ່ປິຕິຊົມຊື່ນຊົມເຊີຍໄຊຊະນະຂອງຊາດ ຫວຽດນາມ, ໄຊຊະນະທີ່ຍາດມາໄດ້ຈາກນ້ຳໃຈອົງອາດກ້າຫານຂອງປະຊາຊົນ ຫວຽດນາມ ແລະ ຈາກການໜູນຊ່ວຍຂອງ ລັດເຊຍ ແລະ ຈີນ ກໍຄື ການສະໜັບສະໜູນຈາກບັນດາກຳລັງຮັກຫອມສັນຕິພາບໃນໂລກ.