ທ່ານ Hishammuddin Hussein photo:internet

(vovworld) - ທ່ານ Hishammuddin Hussein, ຜູ້​ຮັກສາ​ການ​ລັດຖະມົນຕີ​ກະຊວງ​ຄົມມະນາຄົມ​ຂົນ​ສົ່ງ ມາ​ເລ​​ເຊຍ ​ໃຫ້​ຮູ້​ວ່າ: ວັນ​ທີ 23/4, ຄະນະ​ລັດຖະບານ​ປະ​ເທດ​ນີ້ ​ໄດ້​ໃຫ້​ສັດຕະ​ຍາ​ບັນ​ເລື່ອງ​ສ້າງ​ຕັ້ງ​ຄະນະ​ກຳມະການ​ສາກົນ​ເພື່ອ​ສືບສວນກໍລະນີເຮືອບິນMH370 ຂອງ​ບໍລິສັດ​ການບິນ​ Malaysia Airlines ຖືກ​ຫາຍ​ສາບ​ສູນ.

        ກ່າວຄຳເຫັນກັບນັກຂ່າວຢູ່ ນະຄອນຫລວງ ກົວລາລຳເປີ, ທ່ານ Hishammuddin Hussein ຊີ້ແຈ້ງວ່າ: ຈຸດປະສົງຕົ້ນຕໍຂອງຄະນະກຳມະການສືບສວນສາກົນນີ້ ແມ່ນເພື່ອຕີລາຄາ, ສືບສວນ ແລະ ກຳນົດສາຍເຫດທີ່ເຮັດໃຫ້ເຮືອບິນລຳດັ່ງກ່າວຖືກ ຫາຍ​ສາບ​ສູນ ​ເພື່ອ​ສາມາດ​ສະກັດ​ກັ້ນ​ບັນດາ​ອຸປະຕິ​ເຫດ​ຄ້າຍຄື​ກັນ​ໃນ​ອະນາຄົດ. ຕາມ​ທ່ານ Hishammuddin Hussein ​ແລ້ວ, ລັດຖະບານ ມາ​ເລ​ເຊຍ ພວມ​ປຶກສາ​ຫາລື​ກັບ​ກຸ່ມ​ບໍລິສັດ​ແຫ່ງ​ຊາດ Malaysia Petronas ​ແລະ ອົງການ​ອື່ນຈຳນວນ​ຫນຶ່ງ ​ເພື່ອ​ເປີດ​ກວ້າງ​ການ​ຊອກ​ຫາ​ຢູ່​ທ້ອງ​ທະ​ເລ​​ທາງ​ທິດ​ໃຕ້​ມະຫາ​ສະມຸດອິນ​ເດຍ.