ສ້າງຕັ້ງຄະນະຊີ້ນຳແຫ່ງຊາດຈັດຕັ້ງງານມະຫາກຳກິລາ SEA Games 31 ແລະ ອາຊຽນ Para Game 11
(VOVWORLD) - ນາຍົກລັດຖະມົນຕີ ຫວຽດນາມ ຫາກໍ່ຕົກລົງສ້າງຕັ້ງຄະນະຊີ້ນຳແຫ່ງຊາດກ່ຽວກັບການຈັດຕັ້ງງານມະຫາກຳກິລາ ອາຊຽນ ຄັ້ງທີ 31 (SEA Game 31) ແລະ ງານມະຫາກຳກິລາຄົນພິການ ອາຊຽນ ຄັ້ງທີ 11 (ASEAN Para Game 11) ປີ 2021 ຢູ່ ຫວຽດນາມ. ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ເປັນຫົວໜ້າຄະນະຊີ້ນຳ.
 ຄະນະນັກກິລາ ຫວຽດນາມ (ພາບ: TTXVN) |
ຄະນະຊີ້ນຳມີໜ້າທີ່ຊ່ວຍນາຍົກລັດຖະມົນຕີຊີ້ນຳ, ບໍລິຫານ, ສົມທົບລະຫວ່າງບັນດາກະຊວງ, ຂະແໜງການ, ທ້ອງຖິ່ນທີ່ກ່ຽວຂ້ອງ ໃນການກະກຽມ ແລະ ຈັດຕັ້ງ SEA Game 31, ASEAN Para Game 11; ກະຕຸກຊຸກຍູ້ການປະຕິບັດບັນດາຄຳຊີ້ນຳຂອງນາຍົກລັດຖະມົນຕີ; ຕັດສິນກ່ຽວກັບຂອບຂະໜາດ, ວັນເວລາ, ສະຖານທີ່ຈັດຕັ້ງ SEA Game 31 ແລະ ASEAN Para Game 11 ຢ່າງລະອຽດ (ນອກຈາກສະຖານທີ່ຈັດຕັ້ງຕົ້ນຕໍຢູ່ນະຄອນ ຮ່າໂນ້ຍ); ຕັດສິນສ້າງຕັ້ງຄະນະຈັດຕັ້ງ SEA Game 31 ແລະ ASEAN Para Game 11 ຢູ່ຂັ້ນສູນກາງ ໂດຍທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວເປັນຫົວໜ້າຄະນະ.