ຕາມນັ້ນແລ້ວ, ໜ່ວຍປະຕິບັດງານ ມີໜ້າທີ່ເປັນເສນາທິການໃຫ້ແກ່ທ່ານນາຍົກລັດຖະມົນຕີກ່ຽວກັບ ບັນດາກົນໄກ, ນະໂຍບາຍມາດຕະຖານ, ບັນທັດຖານໃນການຮ່ວມມືລົງທຶນທີ່ມີລັກສະນະແກ້ງແຍ້ງສາກົນ ແລະ ບັນດາວິທີການແກ້ໄຂເພື່ອແນໃສ່ຍາດແຍ່ງໄດ້ບັນດາກາລະໂອກາດຈາກການຮ່ວມມືລົງທຶນໃນສະພາບການໃໝ່. ຄຽງຄູ່ກັນນັ້ນ, ໜ່ວຍປະຕິບັດງານກໍ່ຕ້ອງປະຕິບັດບັນດາການເຄື່ອນໄຫວສົ່ງເສີມການລົງທຶນທັງຢູ່ພາຍໃນ ແລະ ຕ່າງປະເທດເພື່ອແນໃສ່ດຶງດູດບັນດາໂຄງການທີ່ມີຄຸນນະພາບ, ຂອບຂະໜາດທຶນຮອນກ້ອນໃຫຍ່, ເຕັກໂນໂລຢີສູງ, ມີການປ່ຽນແປງໃໝ່, ປະດິດຄິດສ້າງ, ມີການແຜ່ຂະຫຍາຍ, ມີຄຳໝັ້ນສັນຍາໃນການຮ່ວມມື, ສ້າງຄວາມສະດວກໃຫ້ແກ່ບັນດາວິສາຫະກິດ ຫວຽດນາມ ເຂົ້າຮ່ວມລະບົບມູນຄ່າ, ລົງທຶນ ເຂົ້າບັນດາຂັ້ນຕອນທີ່ມີມູນຄ່າເພີ່ມສູງຕິດພັນກັບການຮ່ວມມືບຳລຸງສ້າງຊັບພະຍາກອນມະນຸດ. ໜ່ວຍປະຕິບັດງານຄົ້ນຄ້ວາ ແລະ ພັດທະນາ, ຊຸກຍູ້ເສດຖະກິດດີຈີຕອນ ແລະ ຕັ້ງໜ້າປະກອບສ່ວນເຂົ້າໃນການພັດທະນາແບບຍືນຍົງຂອງເສດຖະກິດ - ສັງຄົມຫວຽດນາມ.

        ນອກຈາກນັ້ນ, ໜ່ວຍປະຕິບັດງານຍັງຈະໄດ້ຈັດຕັ້ງການປະສານງານລະຫວ່າງຂະແໜງການ, ຂັ້ນ ແລະ ເຂດເພື່ອຊຸກຍູ້ການສ້າງລະບົບໂຄງການຮ່ວມສຳພັນ ແລະ ໜູນຊ່ວຍ, ຜັນຂະຫຍາຍຢ່າງມີຄວາມສະດວກ ແລະ ມີປະສິດທິຜົນ