ຕອນຄ່ຳວັນທີ 20 ທັນວາ, ຢູ່ເມືອງ ດັກຮ່າ, ແຂວງ ກອນຕຸມ, ໄດ້ຈັດຕັ້ງງານມະໂຫລານ, ຮ້ອງເພງພື້ນເມືອງ ແລະ ສະແດງຊຸດອາພອນປະຈຳເຜົ່າຕ່າງໆໃນແຂວງ ກອນຕຸມ ປີ 2017. ເຂົ້າຮ່ວມງານບຸນ ມີນັກສິລະປະການກ່ວາ 200 ຄົນຂອງ 7 ຊົນເຜົ່າຄື: ບານາ, ເຊດັງ, ແຢ໋ຈ່ຽງ, ຈາຣາຍ, ເຜົ່າຜູ້ໄທ, ເມື່ອງ ແລະ ກີງ ທີ່ມາຈາກ 9 ເມືອງ, ນະຄອນຂອງແຂວງ ກອນຕູມ. ງານມະໂຫລານແມ່ນການເຄື່ອນໄຫວປະກອບສ່ວນອະນຸລັກຮັກສາ, ເສີມຂະຫຍາຍສີສັນວັດທະນະທຳບັນດາເຜົ່າທາງທິດເໜືອເຂດ ໄຕງວຽນ, ພ້ອມທັງສ້າງບັນຍາກາດວັດທະນະທຳ ເພື່ອໃຫ້ກອງ ແລະ ຄ້ອງ ໄຕງວຽນ - ມໍລະດົກວັດທະນະທຳບໍ່ເປັນວັດຖຸຂອງມວນມະນຸດໄດ້ກັບຄືນສູ່ຊີວິດການເປັນຢູ່ຂອງວົງຄະນະຍາດ, ຍືນຍົງຄົງຕົວກັບການເວລາ.

        ໂດຍໄດ້ຮັບການຈັດຕັ້ງແຕ່ວັນທີ 20 – 21 ທັນວາ, ນອກຈາກບັນດາການເຄື່ອນໄຫວເຂັ້ມຂຸ້ນໄປດ້ວຍສີສັນວັດທະນະທຳຂອງເຂດ ໄຕງວຽນ ແລ້ວ, ໃນຂອບເຂດ ງານມະໂຫລານ ຍັງມີບັນດາເຫດການຄື: ງານວາງສະແດງຮູບຖ່າຍສິລະປະບ້ານເກີດເມືອງນອນ, ປະຊາຊົນ ກອນຕຸມ - ເຂດແຄມທະເລທາງພາກກາງ ແລະ ເຂດໄຕງວຽນ.