ສ້າງພື້ນຖານລັດຖະການ ລັດຖະກອນຫວຽດ ນາມຢ່າງມີປະສິດທິຜົນ
(ພາບ: Đức Tám/TTXVN)
(vovworld) –ຕອນບາຍວັນທີ 20/10, ກອງປະຊຸມອົງການບໍລິຫານພາກຕາເວັນອອກໂລກ EROPA 2014 ໄດ້ຖືກໄຂຂຶ້ນຢູ່ຮ່າໂນ້ຍ, ດ້ວຍຫົວເລື່ອງ: “ການບໍລິຫານລັດໃນສະພາບການເຊື່ອງໂຍງເຂົ້າກັບພາກພື້ນ ແລະ ໂລກ“, ກອງປະຊຸມ EROPA 2014 ໄດ້ດຶງດູດການເຂົ້າຮ່ວມຂອງບັນດາຜູ້ແທນ 10 ປະເທດສະມາຊິກ EROPA ພ້ອມດ້ວຍບັນດາຜູ້ແທນຕ່າງປະເທດ ແລະ ບັນດານັກຮຽນຮູ້, ນັກຄຸ້ມຄອງ, ການນຳບັນດາກະຊວງ, ຂະແໜງການຂອງຫວຽດນາມ. ກ່າວຄຳເຫັນໄຂກອງປະຊຸມ, ທ່ານນາຍົກລັດຖະມົນຕີຫງວຽນເຕິນຢຸງ ຢືນຢັນວ່າ: ການປະຕິຮູບລະບຽບການບໍລິຫານແມ່ນຂອດບຸກທະລຸໃນການປະຕິຮູບພື້ນຖານບໍລິຫານລັດ. ທ່ານນາຍົກລັດຖະມົນຕີຫງວຽນເຕິນຢຸງ ຊີ້ແຈ້ງວ່າ:
“ລັດຕ້ອງປະຕິບັດພາລະໜ້າທີ່ຮັບໃຊ້ປະຊາຊົນເປັນຢ່າງດີ, ໃນນັ້ນການຍົກສູງຄຸນນະພາບ, ປະສິດທິພາບ, ປະສິດທິຜົນການຄຸ້ມຄອງຂອງລະບົບບໍລິຫານລັດແມ່ນຂອດສຳຄັນມີຄວາມໝາຍຕັດສິນຊີ້ຂາດ. ຕ້ອງສຸມໃສ່ປະຕິຮູບຢ່າງເລິກເຊິ່ງກ້ວາງຂວາງດ້ານໂຄງປະກອບການຈັດຕັ້ງ, ວິທີການເຄື່ອນໄຫວຂອງກົງຈັກບໍລິຫານລັດ ແລະ ລະບອບລັດຖະການ, ລັດຖະກອນດ້ວຍຈຸດໝາຍສ້າງພື້ນຖານລັດຖະການຮັບໃຊ້ປະຊາຊົນຢ່າງມີຄວາມຮັບຜິດຊອບ, ຂະຫຍັນຂັນເຂື່ອນ, ຈະແຈ້ງ, ມີປະສິດທິຜົນ“./.