ສ້າງເງື່ອນໄຂເພື່ອໃຫ້ການທ່ອງທ່ຽວໃຫ້ກາຍເປັນຂະແໜງເສດຖະກິດປາຍແຫຼມ
(ພາບປະກອບ: sggp.org.vn)
(vovworld) - ໃນການປະກອບຄຳເຫັນໃສ່ຮ່າງກົດໝາຍວ່າດ້ວຍການທ່ອງທ່ຽວ (ສະບັບປັບປຸງ) ໃນວາລະປຶກສາຫາລືຢູ່ໜ່ວຍ ໃນຕອນເຊົ້າວັນທີ 08/11, ໃນຂອບເຂດກອງປະຊຸມສະໄໝສາມັນເທື່ອທີ 2, ສະພາແຫ່ງຊາດຫວຽດນາມ ຊຸດທີ 14, ບັນດາສະມາຊິກສະພາແຫ່ງຊາດຖືວ່າ, ເລື່ອງປັບປຸງກົດໝາຍ ເພື່ອແນໃສ່ສ້າງຕັ້ງກົນໄກນິຕິກຳປົກປ້ອງສິດຜົນປະໂຫຍດອັນຊອບທຳຂອງບັນດາອົງການຈັດຕັ້ງ, ສ່ວນບຸກຄົນຢູ່ພາຍໃນ ແລະ ຕ່າງປະເທດ ທີ່ເຄື່ອນໄຫວດ້ານການທ່ອງທ່ຽວ, ຍົກສູງຄວາມສາມາດແກ່ງແຍ້ງ. ສະມາຊິກສະພາແຫ່ງຊາດຫຼາຍທ່ານໄດ້ຕີລາຄາສູງບັນດາຈຸດໃໝ່ທີ່ເປັນໜ້າສົນໃຈຂອງຮ່າງກົດໝາຍຄື: ກຳນົດພັນທະຂອງວິສາຫະກິດດຳເນີນທຸລະກິດການທ່ອງທ່ຽວຕ້ອງຊື້ປະກັນໄພໃຫ້ນັກທ່ອງທ່ຽວທຸກຄົນ ແທນທີ່ພຽງແຕ່ຊື້ປະກັນໄພໃຫ້ນັກທ່ອງທ່ຽວຫວຽດນາມ ໄປທ່ອງທ່ຽວຢູ່ຕ່າງປະເທດຄືຂໍ້ກຳນົດພວມປະກາດໃຊ້; ເພີ່ມເຕີ່ມຂໍ້ກຳນົດກ່ຽວກັບໜັງສືອະນຸຍາດດຳເນີນທຸລະກິດດ້ານການທ່ອງທ່ຽວພາຍໃນປະເທດ, ເງື່ອນໄຂດຳເນີນທຸລະກິດ ດ້ານການທ່ອງທ່ຽວໄດ້ຮັບການກຳນົດຢ່າງງ່າຍດາຍກວ່າ. ກ່ຽວຂ້ອງເຖິງຂໍ້ກຳນົດນັກລົງທຶນຕ່າງປະເທດໄດ້ຮັບອະນຸຍາດໃຫ້ດຳເນີນທຸລະກິດດ້ານການທ່ອງທ່ຽວຢູ່ຫວຽດນາມ. ທ່ານ ເວືອງວັນຊ໋າງ, ສະມາຊິກສະພາແຫ່ງຊາດແຂວງ ລາວກາຍ ໃຫ້ຮູ້ວ່າ.
“ເລື່ອງໃຫ້ຊາວຕ່າງປະເທດເຂົ້າຮ່ວມການດຳເນີນທຸລະກິດດ້ານການທ່ອງທ່ຽວ ແມ່ນເໝາະສົມ, ຍ້ອນການດຳເນີນທຸລະກິດຕ້ອງມີການແກ່ງແຍ້ງ ຈຶ່ງສາມາດພັດທະນາ, ພິເສດແມ່ນໃນຍຸກສະໄໝເຊື່ອມໂຍງເຂົ້າກັບສາກົນ. ບັນຫາຢູ່ທີ່ນີ້ແມ່ນ, ພວກເຮົາຕ້ອງຄຸ້ມຄອງປັດໃຈຊາວຕ່າງປະເທດ ຜ່ານເຄື່ອງມືກົດໝາຍຄືແນວໃດ”.
ແລະກໍໃນຕອນເຊົ້າວັນທີ 08/11, ສະມາຊິກສະພາແຫ່ງຊາດໄດ້ປຶກສາຫາລືຮ່າງກົດໝາຍວ່າດ້ວຍຊົນລະປະທານ.
ຕອນບ່າຍວັນດຽວກັນ, ສະພາແຫ່ງຊາດໄດ້ຮັບຟັງໃບສະເໜີ ແລະ ບົດລາຍງານກວດກາຮ່າງກົດໝາຍໜູນວ່າດ້ວຍການຊ່ວຍວິສາຫະກິດຂະໜາດນ້ອຍ ແລະ ກາງ; ສະພາແຫ່ງຊາດກໍ່ປຶກສາຮ່າງມະຕິປັບປຸງ, ເພີ່ມເຕີມບາງຂໍ້ມາດຕາຂອງມະຕິເລກທີ 55 ກ່ຽວກັບການຍົກເວັ້ນ, ຫຼຸດຜ່ອນພາສີນຳໃຊ້ທີ່ດິນກະສິກຳ ແລະ ລົງຄະແນນສຽງຮັບຮອງເອົາມະຕິກ່ຽວກັບແຜນກາງສ້າງໂຄງປະກອບພື້ນຖານເສດຖະກິດຄືນໃໝ່ໄລຍະ 2016 – 2020.