ທ່ານນາຍົກລັດຖະມົນຕີ ຍີ່ປຸ່ນ Fumio Kishida (ພາບ: Kyodo/TTXVN)

ເມື່ອແລກປ່ຽນກັບນັກຂ່າວຂອງສຳນັກຂ່າວສານ ຫວຽດນາມ ປະຈຳ ໂຕກຽວ, ກ່ອນການເດີນທາງທີ່ສຳຄັນຂອງທ່ານນາຍົກລັດຖະມົນຕີ ຍີ່ປຸ່ນ Fumio Kishida, ສາດສະດາຈານ, ປະລິນຍາເອກ ທ່ານນາງ Mie Oba ສັງກັດມະຫາວິທະຍາໄລ Kanagawa ເນັ້ນໜັກວ່າ ລັດຖະບານ ຍີ່ປຸ່ນ ຖືເປັນສຳຄັນທີ່ສຸດຕໍ່ການພົວພັນກັບ ຫວຽດນາມ. ສິ່ງດັ່ງກ່າວ ໄດ້ສ່ອງແສງໃຫ້ເຫັນ ເລື່ອງ ຍີ່ປຸ່ນ ຊ່ວຍເຫຼືອສິນຄ້າ ແລະ ອຸປະກອນປ້ອງກັນຊາດໃຫ້ແກ່ ຫວຽດນາມ, ກໍຄືການຮ່ວມມືໃນຂົງເຂດຮັກສາຄວາມໝັ້ນຄົງໃນການເດີນທະເລ.

        ຕາມ ທ່ານນາງ Mie Oba ແລ້ວ, ການພົວພັນລະຫວ່າງ ຫວຽດນາມ ແລະ ຍີ່ປຸ່ນ ແມ່ນການພົວພັນຕ່າງຝ່າຍຕ່າງມີຜົນປະໂຫຍດ. ສຳລັບ ຫວຽດນາມ, ການພົວພັນກັບ ຍີ່ປຸ່ນ ກໍມີຄວາມສຳຄັນທີ່ສຸດ ເພື່ອຮັກສາຄວາມສົມດຸນລະຫວ່າງບັນດາປະເທດມະຫາອຳນາດໃຫ້ເປັນຢ່າງດີ. ກົງກັນຂ້າມ, ການເພີ່ມທະວີການພົວພັນຂອງ ຫວຽດນາມ ກໍຈະນຳເອົາທ່າແຮງຂະໜາດໃຫຍ່ມາໃຫ້ ຍີ່ປຸ່ນ.