(vovworld) – ຊີຣີ ແມ່ນວິກິດການຊາວອົບພະຍົບ ແລະ ມະນຸດສະທຳໃຫຍ່ກວ່າໝູ່ໃນທຸກສະໄໝ. ນັ້ນແມ່ນຄຳຢັ້ງຢືນຂອງຂະຫຼວງໃຫຍ່ສະຫະປະຊາຊາດກ່ຽວກັບຊາວອົບພະຍົບ ທ່ານ Filippo Grandi ແລະ ທູດພິເສດອົງການຊາວອົບພະຍົບແຫ່ງສະຫະປະຊາຊາດ (UNHCR) ທ່ານນາງ Angelina Jolie Pitt ໃນບົດກ່າວປາໄສເນື່ອງໃນໂອກາດວັນເກີດສົງຄາມກາງເມືອງຊີຣີ ຄົບຮອບ 5 ປີ. 2 ທ່ານນີ້ໄດ້ພ້ອມກັນຮຽກຮ້ອງໃຫ້ປະຊາຄົມສາກົນປ່ອຍບ້ວງເງິນທີ່ໄດ້ໃຫ້ຄຳໝັ້ນສັນຍາຢ່າງຮີບດ່ວນ ເພື່ອໜູນຊ່ວຍປະຊາຊົນຊີຣີ, ພ້ອມທັງຮ່ວມແຮງຮ່ວມໃຈແກ້ໄຂວິກິດການນີ້. ທ່ານ Grandi ໃຫ້ຮູ້ວ່າໂລກພວມຢືນຢູ່ “ທາງ 3 ແຍກ” ແລະ “ຖ້າໂລກພຽງແຕ່ກະທຳເພື່ອຜົນປະໂຫຍດຢູ່ຕໍ່ໜ້າ ຫຼື ຍ້ອນຂາດຄວາມກ້າຫານ ຈຶ່ງບໍ່ສາມາດພ້ອມກັນເຄື່ອນໄຫວໄດ້, ພວກເຮົາຈະຕ້ອງກິນແໜງຍ້ອນພາດໂອກາດພ້ອມກັນເຄື່ອນໄຫວເພື່ອມະນຸດ”. ໃນຂະນະນັ້ນ, ກ່າວຄຳເຫັນກັບວົງການນັກຂ່າວຢູ່ຕາລີບານ, ທ່ານນາງ Angelina Jolie Pitt ໄດ້ກະຕຸກຊຸກຍູ້ບັນດາລັດຖະບານສຸມໃສ່ເຂົ້າໃນເຫດຜົນຕົ້ນຕໍ, ສະແດງຄວາມກ້າຫານ ແລະ ວິໄສທັດມອງກວ້າງເຫັນໄກ ເມື່ອຍົກອອກບັນດາຂໍ້ຕົກລົງກ່ຽວກັບບັນຫາຊີຣີ. ທ່ານນາງກໍຮຽກຮ້ອງໃຫ້ບັນດາລັດຖະບານຕ້ອງເຄົາລົບສົນທິສັນຍາຂອງສະຫະປະຊາຊາດກ່ຽວກັບຊາວອົບພະຍົບ ແລະ ບັນດາກົດໝາຍພື້ນຖານກ່ຽວກັບສິດຂອງມະນຸດ.