(vovworld) - ວັນທີ 05/02, ສານອາຍາຂອງໄທ ໄດ້ຮັບຮອງເອົາຂໍ້ສະເໜີຂອງຕຳຫຼວດປະກາດໝາຍຈັບສຳລັບຫົວໜ້າຄະນະແຫ່ຂະບວນປະທ້ວງຕ້ານລັດຖະບານ 19 ຄົນ, ໃນນັ້ນມີອະດີດນາຍົກລັດຖະມົນຕີ ສຸເທບ ເທືອກສຸບັນ, ດ້ວຍດ້ວຍການກະທຳຜິດແມ່ນບໍ່ປະຕິບັດຄຳສັ່ງສະພາວະສຸກເສີນ. ພ້ອມທັງອະນຸຍາດໃຫ້ບັນດາເຈົ້າໜ້າທີ່ຈັບຕົວ ແລະ ຈັບຕົວຊົ່ວຄາວບັນດາຫົວໜ້າຄະນະແຫ່ຂະບວນປະທ້ວງເປັນເວລາ 7 ວັນ.
ປະຕິກິລິຍາຕໍ່ຂໍ້ຕົກລົງດັ່ງກ່າວ, ສາທິດ ວົງນອງເຕີຍ, ແມ່ນໜຶ່ງໃນບັນດາຫົວໜ້າຄະນະແຫ່ຂະບວນປະທ້ວງໃຫ້ຮູ້ວ່າ, ບັນດາຫົວໜ້າຄະນະແຫ່ຂະບວນປະທ້ວງຈະບໍ່ວິຕົກກັງວົນຕໍ່ຄຳສັ່ງຈັບຕົວ ແລະ ຈະສືບຕໍ່ຈັດຕັ້ງບັນດາການແຫ່ຂະບວນປະທ້ວງຈົນເຖິງເວລາລັດຖະບານຂອງທ່ານນາງຍິງຣັກ ຊິນນະວັດ ລາອອກຈາກຕຳແໜ່ງ.
ໃນຂະນະນັ້ນ, ວັນທີ 05/02, ຄະນະກຳມະການເລືອກຕັ້ງໄທ ໃຫ້ຮູ້ວ່າ ຜູ້ມີສິດເລືອກຕັ້ງຈຳນວນ 46,79% ໄດ້ເຂົ້າຮ່ວມການເລືອກຕັ້ງເມື່ອວັນທີ 02/02 ຜ່ານມາ. ການເຄື່ອນໄຫວເລືອກຕັ້ງຢູ່ 9 ແຂວງ ຖືກໂຈະໄວ້ຍ້ອນຂາດບັດເລືອກຕັ້ງ ເພາະຜູ້ແຫ່ຂະບວນປະທ້ວງໄດ້ປິດລ້ອມ ແລະ ເດີນຂະບວນ.