(ພາບປະກອບ)
( vovworld ) – ເພື່ອມຸ້ງໄປເຖິງພິທີສະເຫຼີມສະຫຼອງ 65 ປີແຫ່ງວັນທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ ແລະ 40 ປີແຫ່ງວັນເກີດເຫດການ 81 ວັນ ແລະ ຄືນກຳແພງເກົ່າກວາງຈິ, ໃນລະຫວ່າງວັນທີ 24-25/6, ຄະນະພະນັກງານກຳມະບານສຳນັກຂ່າວສານຫວຽດນາມ ໄດ້ຈັດການເດີນທາງກັບຄືນຕົ້ນກຳເນີດ ແລະ ມອບຂອງຂວັນໃຫ້ບັນດາຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນຢູ່ແຂວງກວາງຈິ. ທີ່ເມືອງຈ້ຽວຟອງ, ຄະນະໄດ້ມອບຂອງຂວັນໃຫ້ເດັກນ້ອຍ 15 ຄົນທີ່ເປັນຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ຊື່ງແມ່ນປື້ມບັນຊີເງິນຝາກປະຢັດທີ່ມີມູນຄ່າ 2 ລ້ານດົ່ງພ້ອມກັບຂອງຂວັນ. ເນື່ອງໃນໂອກາດກັບຄືນສູ່ຕົ້ນກຳເນີດຢູ່ແຂວງກວາງຈິ, ຄະນະພະນັກງານກຳມະບານສຳນັກຂ່າວສານຫວຽດນາມ ໄດ້ເຂົ້າຢ້ຽມຕຳນັບສຸສານນັກຮົບເສຍສະຫຼະຊີວິດເພື່ອຊາດແຫ່ງຊາດເຈືອງເຊີນ, ສຸສານນັກຮົບເສຍສະຫຼະຊີວິດເພື່ອຊາດແຫ່ງຊາດເສັ້ນທາງຫຼວງ ເລກ 9 ແລະ ກຳແພງເກົ່າກວາງຈິ.