ສຳນັກງານ ສປຊ ລົດທຸງລົງເຄິ່ງເສົາ ເພື່ອອາໄລຫາທ່ານ Kofi Annan
(VOVWORLD) - ວັນທີ 19 ສິງຫາ, ທີ່ສຳນັກງານສະຫະປະຊາຊາດຢູ່ ເຊີແນວ ປະເທດ ສະວິດ ໄດ້ລົດທຸງລົງເຄິ່ງເສົາ,
 ສຳນັກງານ ສປຊ ລົດທຸງລົງເຄິ່ງເສົາ ເພື່ອອາໄລຫາທ່ານ Kofi Annan |
ພ້ອມທັງລົດທຸງຂອງບັນດາປະເທດສະມາຊິກທັງໝົດລົງ ເພື່ອອາໄລຫາອະດີດເລຂາທິການໃຫຍ່ ສະຫະປະຊາຊາດ Kofi Annan ທີ່ໄດ້ເຖິງແກ່ມໍລະນະກຳໃນວັນທີ 18 ສິງຫາ ລວມອາຍຸ 80 ປີ. ທ່ານ Alan Doss ຜູ້ອຳນວຍການກອງທຶນ Kofi Annan ໃຫ້ຮູ້ວ່າ: ງານສົບຂອງທ່ານ Kofi Annan ຈະໄດ້ຈັດຕັ້ງແບບສ່ວນຕົວ. ພິທີອາໄລຫາອະດີດເລຂາທິການໃຫຍ່ສະຫະປະຊາຊາດ Kofi Annan ຈະໄດ້ຈັດຕັ້ງຢູ່ສຳນັກງານສະຫະປະຊາຊາດຢູ່ ເຊີແນວ; ເວລາດຳເນີນເຫດການດັ່ງກ່າວ ຈະໄດ້ປະກາດໃນໄລຍະຈະມາເຖິງ.
ທ່ານ Kofi Annan ຮັບດຳລົງຕຳແໜ່ງເປັນການນຳສະຫະປະຊາຊາດແຕ່ປີ 1997 ຮອດປີ 2006. ທ່ານ Kofi Annan ເຖິງແກ່ມໍລະນະກຳຢູ່ນະຄອນຫລວງ Berne ຂອງປະເທດ ສະວິດ ພາຍຫລັງເປັນພະຍາດໃນເວລາສັ້ນ.