ສຳເລັດ ໄລຍະທີ 2 ຂອງໂຄງການສຳຫຼວດເຕັກນິກກ່ຽວກັບລູກລະເບີດທີ່ຍັງບໍ່ທັນແຕກ ຢູ່ ເທື່ອທຽນເຫວ້
(VOVWORLD) - ຕອນເຊົ້າວັນທີ 17 ພະຈິກ ຢູ່ຮ່າໂນ້ຍ, ສູນການເຄື່ອນໄຫວກ່ຽວກັບລູກລະເບີດທີ່ຍັງບໍ່ທັນແຕກແຫ່ງຊາດ ຫວຽດນາມ ໄດ້ຈັດຕັ້ງກອງປະຊຸມຕີລາຄາກ່ຽວກັບໝາກຜົນປະຕິບັດໂຄງການ “ສຳຫຼວດເຕັກນິກກຳນົດເຂດທີ່ຖືກມົນລະພິດຈາກລູກລະເບີດ ແລະ ວັດຖຸລະເບີດ” ໄລຍະ ທີ 2 ຢູ່ແຂວງເທື່ອທຽນເຫວ້.
 (ພາບປະກອບ: TTXVN) |
ໂຄງການດັ່ງກ່າວໄດ້ຮັບການຜັນຂະຫຍາຍຢູ່ 10 ຕາແສງຂອງເມືອງ ອາເລື໊ອຍ, ແຂວງເທື່ອທຽນເຫວ້ ໂດຍ ອົງການບໍ່ຂຶ້ນກັບລັດຖະບານ ຊ່ວຍເຫຼືອປະຊາຊົນ ນອກແວ ອຸປະຖຳ ຈາກແຫຼ່ງເງິນຊ່ວຍເຫຼືອລ້າ ຂອງ ກະຊວງການຕ່າງປະເທດ ອາເມລິກາ. ພາຍຫຼັງຜັນຂະຫຍາຍມາເປັນເວລາເກືອບ 1 ປີ, ມາຮອດປັດຈຸບັນ, ກວ່າ 910 ເຮັກຕາ ໃນເນື້ອທີ່ດິນທັງໝົດເກືອບ 1600 ເຮັກຕາ ທີ່ຖືກມົນລະພິດຈາກລູກລະເບີດ ແລະ ວັດຖຸລະເບີດໄດ້ຮັບການສຳຫຼວດເຕັກນິກ. ໝາກຜົນດັ່ງກ່າວ ໄດ້ປະກອບສ່ວນເຂົ້າໃນການສ້າງລາຍລະອຽດໃຫ້ແຜນທີ່ມົນລະພິດຈາກລູກລະເບີດ ແລະ ວັດຖຸລະເບີດໃຫ້້ສົມບູນແບບ ເພື່ອມີວິທີການແກ້ໄຂຢ່າງມີປະສິດທິຜົນ ແລະ ຍາວນານ.