ສ.ເກົາຫຼີ ຕົກລົງອອກວີຊາໄລຍະຍາວໃຫ້ແກ່ພົນລະເມືອງຫວຽດນາມເພື່ອສ້າງເງື່ອນໄຂຊຸກຍູ້ການຮ່ວມມືລະຫວ່າງ 2 ປະເທດ
(VOVWORLD) -ທີ່ການຕ້ອນຮັບທ່ານເອກອັກຄະລັດຖະທູດ ສ.ເກົາຫຼີ ປະຈຳຫວຽດນາມ Kim Do Hyun ເມື່ອວັນທີ 28 ພະຈິກ ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີຫວຽດນາມ ຈີ້ງດີງຢຸງ ໄດ້ຕີລາຄາສູງເລື່ອງ ສ.ເກົາຫຼີ ເມື່ອມໍ່ໆມານີ້ ໄດ້ຕົກລົງອອກວີຊາທີ່ມີກຳນົດເຖິງ 5 ປີໃຫ້ແກ່ພົນລະເມືອງທີ່ມີສຳມະໂນຄົວຢູ່ 3 ນະຄອນໃຫຍ່, ນັ້ນແມ່ນຮ່າໂນ້ຍ, ນະຄອນໂຮ່ຈິມິນ, ນະຄອນດາຫນັງ
 ທ່ານຮອງນາຍົກລັດຖະມົນຕີຫວຽດນາມ ຈີ້ງດີງຢຸງ ແລະ ທ່ານເອກອັກຄະລັດຖະທູດ ສ.ເກົາຫຼີ ປະຈຳຫວຽດນາມ Kim Do Hyun |
ທ່ານຮອງນາຍົກລັດຖະມົນຕີຫວຽດນາມ ຈີ້ງດີງຢຸງ ເນັ້ນໜັກວ່າ ບັນດາໝາກຜົນນີ້ ໂດຍອີງບົນພື້ນຖານແຫ່ງຄວາມໄວ້ເນື້ອເຊື່ອໃຈທາງດ້ານການເມືອງ, ສາຍພົວພັນຄູ່ຮ່ວມມືຍຸດທະສາດ ແລະ ນ້ຳໃຈຄວາມຮັກແພງອັນດີງາມລະຫວ່າງການນຳ ແລະ ປະຊາຊົນ 2 ປະເທດ.
ສ່ວນທ່ານເອກອັກຄະລັດຖະທູດ ສ.ເກົາຫຼີ ປະຈຳຫວຽດນາມ Kim Do Hyun ຖືວ່າ ຄວາມສາມາດບົ່ມຊ້ອນການຮ່ວມມືຍັງໃຫຍ່ຫຼວງຢູ່ ແລະ ສາຍພົວພັນຄູ່ຮ່ວມມືຍຸດທະສາດ ແລະ ນ້ຳໃຈຄວາມຮັກແພງອັນດີງາມລະຫວ່າງການນຳ ແລະ ປະຊາຊົນ 2 ປະເທດ ສ.ເກົາຫຼີ-ຫວຽດນາມ ແນ່ນອນວ່າ ຍັງຈະພັດທະນາຢ່າງແຂງແຮງໃນອະນາຄົດ.