ທ່ານປະທານາທິບໍດີ Moon Jea-in (ພາບ: Reuters)

ນີ້ແມ່ນເນື້ອໃນສ່ວນໜຶ່ງໃນຂໍ້ສະເໜີແນະຂອງຄະນະໃຫ້ຄຳປຶກສາແຜນການແຫ່ງລັດ - ອົງການທີ່ປຶກສາຂອງປະທານາທິບໍດີ ສ.ເກົາຫຼີ ປະກາດໃນວັນທີ 19 ກໍລະກົດ ພາຍຫລັງໄດ້ຮັບການສ້າງຕັ້ງ ແລະ ເຮັດວຽກເປັນເວລາ 2 ເດືອນ ພາຍໃຕ້ການຊີ້ນຳຂອງທ່ານປະທານາທິບໍດີ Moon Jea-in. ຕາມຂໍ້ສະເໜີແນະຂອງຄະນະໃຫ້ຄຳປຶກສາແຜນການແຫ່ງລັດດັ່ງກ່າວ ລັດຖະບານຂອງທ່ານປະທານາທິບໍດີ Moon Jea-in ກ່ອນອື່ນໝົດ ຄວນກະກຽມ “ແຜນການ” ເຈລະຈາຮອບດ້ານຈົນຮອດທ້າຍປີ 2017, ໃນນັ້ນ ລວມມີບັນດາການປຶກສາຫາລືກ່ຽວກັບບັນຫາສ້າງສັນຕິພາບໃນແຫຼມ ເກົາຫຼີ ແລະ ຊຸກຍູ້ເລື່ອງເຊື່ອມຕໍ່ການເຈລະຈາ 6 ຝ່າຍ ກ່ຽວກັບບັນຫານິວເຄຼຍຂອງ ພຽງຢາງ ຄືນໃໝ່ ຊຶ່ງຖືກໂຈະໄວ້ແຕ່ປີ 2008 ມາຮອດປະຈຸບັນ. ນອກນັ້ນ ເຊີອູນ ຄວນມານະພະຍາຍາມຊອກຫາວິທີຊຸກຍູ້ບັນດາການເຈລະຈາກັບ ພຽງຢາງ ໃນບັນດາຂົງເຂດກິລາ, ການທະຫານ ແລະ ເສດຖະກິດ. ຄະນະໃຫ້ຄຳປຶກສາແຜນການແຫ່ງລັດຖືວ່າ ລັດຖະບານ ສ.ເກົາຫຼີ ຄວນຍູ້ແຮງຄວາມມານະພະຍາຍາມ ຮັບປະກັນກຳລັງທະຫານປະເທດນີ້ ພ້ອມແລ້ວທີ່ຈະບຸກໂຈມຕີໂຕ້ຕອບ.