(vovworld) - ​ວັນ​ທີ 17/12, ທ່​ານ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ສ.ເກົາ​ຫຼີ Yun Byun se ໄດ້​ມີ​ການ​ໂອ​້​ລົມ​ທາງ​ໂທ​ລະ​ສັບ​ກັບ​ຄູ່​ຕ​ຳ​ແໜ່ງ​ອາ​ເມ​ລິ​ກາ John Kerry, ໃນ​ນັ້ນ 2 ຝ່າຍ​ໄດ້​ຢືນ​ຢັນ​ຄືນ​​ເຖິງ​ການ​ພົວ​ພັນ​​ສຳພັນ​ທະ​ມິດ​ຢ່າງ​ແຮງ ແລະ ໝັ້ນ​ຄົງ ໂດຍບໍ່​ຫົວ​ຊາ​ຕໍ່​ສະ​ພາບ​ການ​ເມືອງ​ຂອງ​ສ.ເກົາ​ຫຼີ ໃນ​ປະ​ຈຸ​ບັນ. ທີ່​ການ​ໂອ​້​ລົມ​ທາງ​ໂທ​ລະ​ສັບ, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ 2 ທ່ານ​ໄດ້​ເຫັນ​ດີ “ຮັກ​ສາ​ທ່າ​ຮ່ວມ​ມື​ຄື​ໃນ​ປະ​ຈຸ​ບັນ” ໃນ​ຂອບ​ເຂດ​ຂອງ​ການ​ພົວ​ພັນ​​ສຳພັນ​ທະ​ມິດ​ລະ​ຫວ່າງ 2 ປະ​ເທດ. 2 ຝ່າຍ​ກໍ​ເຫັນ​ດີ​ຊຸກ​ຍູ້​ການ​ຕິດ​ຕາມ​​ຢ່າງ​ໃກ້​ຊິດ ເລື່ອງ ພ​ຽງ​ຢາງ ​ອາດ​ຈະ​ປະ​ຕິ​ບັດ​ບັນ​ດາ​ການ​ກະ​ທຳ​ເກາະ​ຜິດ​ໃນ​ສະ​ພາບ​ການ​ປະ​ຈຸ​ບັນ​ຂອງ 2 ປະ​ເທດ. ສ່ວນ​ທ່ານລັດ​ຖະ​ມົນ​ຕີ​ການ​ຕ່າງ​ປະ​ເທດ John Kerry ໃຫ້​ຄຳ​ໝັ້ນ​ສັນ​ຍາ​ຈະ​ມາ​ນະ​ພະ​ຍາ​ຍາມ​ຈົ​ນ​ສຸດ​ຄວາມ​ສາ​ມາດ​ຂອງ​ຕົນ​ເພື່ອ​ໃຫ້​ອຳ​ນາດ​ການ​ປົກ​ຄອງ​ໃໝ່​ຂອງ​ປະ​ທານ​າທິ​ບໍ​ດີ​ຜູ້​ທີ່​ໄດ້​ຮັບ​ໄຊ​ຊະ​ນະ​ໃນ​ການ​ເລືອກ​ຕັ້ງ​ຂອງອາ​ເມ​ລິ​ກາ ທ່ານ Donald Trump ສ​ືບ​ຕໍ່​ບັນ​ດາ​ນະ​ໂຍ​ບາຍ​ພົວ​ພັນ​ກັບ​ຕ່າງ​ປະ​ເທດ​ຄື​ໃນ​ປະ​ຈຸ​ບັນ.