ສ.ເກົາຫຼີ ແລະ ອາຊຽນເຫັນດີເປັນເອກະພາບຍູ້ແຮງລະບຽບການຜ່ານດ່ານໃນຂອບເຂດ FTA
(VOVWORLD) -ນັບແຕ່ເວລາ FTA ລະຫວ່າງ ສ.ເກົາຫຼີ ແລະ ອາຊຽນ ມີຜົນສັກສິດ ໃນເດືອນມິຖຸນາ ປີ 2007, ວົງເງິນການຄ້າຂອງປະເທດນີ້ ກັບບັນດາປະເທດ ອາຊຽນ ໄດ້ເພີ່ມຂຶ້ນທົບ 2 ເທົ່າ.
 ສິນຄ້າຢູ່ທ່າກ່ຳປັ່ນ Busan, ສ.ເກົາຫຼີ (ພາບ: AFP/TTXVN) |
ວັນທີ 6 ທັນວາ, ກະຊວງເສດຖະກິດ ແລະ ການເງິນ ສ.ເກົາຫຼີ ໃຫ້ຮູ້ວ່າ ປະເທດນີ້ ແລະ ອາຊຽນ ໄດ້ເຫັນດີແກ້ໄຂບັນດາບັນຫາທີ່ປະສົບກັບຄວາມຫຍຸ້ງຍາກກ່ຽວກັບລະບຽບການເກັບພາສີ ເພື່ອຊຸກຍູ້ການປະຕິບັດສັນຍາການຄ້າເສລີ (FTA) ສອງຝ່າຍຢ່າງມີປະສິດທິຜົນ. ຕາມຂໍ້ຕົກລົງແລ້ວ, ບັນດາບໍລິສັດສ.ເກົາຫຼີ ຈະໄດ້ຮັບບຸລິມະສິດດ້ານພາສີອາກອນ ຖ້າຫາກວ່າ ສົ່ງໃບຢັ້ງຢືນຕົ້ນກຳເນີດສະບັບສຳເນົາ ເມື່ອສົ່ງອອກສິນຄ້າໄປຍັງ 10 ປະເທດອາຊຽນ.
ນັບແຕ່ເວລາ FTA ລະຫວ່າງ ສ.ເກົາຫຼີ ແລະ ອາຊຽນ ມີຜົນສັກສິດ ໃນເດືອນມິຖຸນາ ປີ 2007, ວົງເງິນການຄ້າຂອງປະເທດນີ້ ກັບບັນດາປະເທດ ອາຊຽນ ໄດ້ເພີ່ມຂຶ້ນທົບ 2 ເທົ່າ. ປັດຈຸບັນ, ອາຊຽນແມ່ນຄູ່ຮ່ວມມືການຄ້າໃຫຍ່ອັນດັບທີ 2 ຂອງ ສ.ເກົາຫຼີ ດ້ວຍວົງເງິນການຄ້າບັນລຸໄດ້ 143,8 ຕື້ USD ໃນປີ 2020.