(vovworld) -     ​ໃນ​ຂອບ​ເຂດ​ການ​ຢ້ຽມຢາມ​ສ.​ເກົາຫຼີ, ວັນ​ທີ 18/03, ທ່ານ​ຮອງ​ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ Ashton Carter ​ໄດ້​ມີ​ການ​ເຈ​ລະ​ຈາ​ກັບ​ທ່ານ​ລັດຖະມົນຕີ​ກະຊວງ​ປ້ອງ​ກັນ​ປະ​ເທດສ.​ເກົາຫຼີ Kim Kwan jin, ພົບ​ປະ​ເຈລະ​ຈາ​ກັບ​ທ່ານ​ລັດຖະມົນຕີ​ກະຊວງ​ການ​ຕ່າງປະ​ເທດ Yoon Byeong-se ​ແລ​ະ ຫົວໜ້າ​ຫ້ອງວ່າການ​ປ້ອງ​ກັນ​ຄວາມ​ສະຫງົບ​ແຫ່ງ​ຊາດ​ສຳນັກງານ​ປະທານາທິບໍດີ Kim Jang-soo. ທີ່​ກາ​ນພົບ​ປະຕ່າງໆ, 2 ​ຝ່າຍ​ໄດ້ປຶກສາ​ຫາ​ລື​ມາດ​ຕະການ​ຮັບ​ມື​ກັບ​ບັນດາ​ການ​ກະທຳ​ຂອງ ສປປ.​ເກົາຫຼີ; ຜົນ​ກະທົບ, ຜົນ​ສະທ້ອນ​ຂອງ​ໂຄງການ​ຫຼຸດຜ່ອນ​ຫງົບ​ປະມານ​ແບບ​ອັດຕະ​ໂນ​ມັດຂອງ​ອາ​ເມ​ລິ​ກາ ​ເຖິງ​ກຳລັງ​ກອງທັບ​ອາ​ເມ​ລິ​ກາ ທີ່​ຕັ້ງ​ທັບ​ຢູ່​ສ.​ເກົາຫຼີ ພາຍຫຼັງ​ໂຄງການ​ນີ້​ມີ​ຜົນ​ສັກ​ສິກ​ແຕ່​ຕົ້ນ​ເດືອນ 3 ປີ 2013. ອາ​ເມ​ລິ​ກາ ​ແລະ ສ.​ເກົາ​ຫີຼ ​ໄດ້​ສະ​ແດງ​ຄວາມ​ວິຕົກ​ກັງວົນຕໍ່​ເລື່ອງ ສປປ.​ເກົາຫຼີ ປະກາດຍຸບ​ເລີກ​ສັນຍາ​ຢຸດ​ຍິງ​​​ໃນ​ແຫຼມ​ເກົາ​ຫຼີ ຕາມລຳພັງ​ຝ່າຍ​ດຽວ ພ້ອມ​ທັງ​ຢືນຢັນ​ຄວາມ​ສຳຄັນ​ຂອງ​ການ​ພົວພັນ​ສຳພັນທະ​ມິດ​ລະຫວ່າງ ສ.​ເກົາຫຼີ - ອາ​ເມິ​ລາ ​ແລະ ບັນດາ​ຄຳ​ໝັນ​ສັນຍາ​ປ້ອງ​ກັນ​ຂອງ​ອາ​ເມ​ລິ​ກາ ທີ່​ມີ​ຕໍ່ ສ.​ເກົາຫຼີ.