(vovworld) –  ​ໃນ​ການ​ປະກາດ​ເມື່ອ​ວັນ​ທີ 9/7, ​ເສ​ນາ​ທິການ​ໃຫຍ່​ກອງທັບ ສ. ​ເກົາຫຼີ ​ໃຫ້​ຮູ້​ວ່າ: ເວລາປະມານ​ 11 ​ໂມງ 30 ນາທີ (​ເວລາ​ທ້ອງ​ຖິ່ນ) ສປປ ​ເກົາຫຼີ ​ໄດ້​ຍິງ​ວັດ​ຖຸ​​ແປກ​ໆ ທີ່​ໄດ້​ຮັບ​ຖື​ວ່າ​ແມ່ນ​ລູກ​ສອນ​ໄຟ​ນຳ​ວິຖີ​ຈາກ​ກຳ່​ປັ່ນ​ດຳ​ນ້ຳ ຢູ່​ເຂດ​ທະ​ເລ​ທາງ​ທິດຕາ​ເວັນ​ອອກ ​ໃນ​ແຫຼມ ​ເກົາຫຼີ, ​ແຕ່​ເຖິງ​ຢ່າງ​ໃດ​ກໍ່ຕາມ, ການ​ຍິງ​ທົດ​ລອງ​ນີ້​ຖືກ​ປະລາ​ໄຊ. ປະຈຸ​ບັນ, ຝ່າຍ ສປປ ​ເກົາຫຼີ ບໍ່​ທັນ​ໄດ້​ອອກ​ຖະ​ແຫຼ​ງຂ່າວ​ກ່ຽວ​ກັບ​ເຫດ​ຍິງ​ທົດ​ລອງ​ລູກ​ສອນ​ໄຟ​ໃໝ່​ນີ້​ເທື່ອ. ​ໃນ​ຂະນະ​ນັ້ນ, ປະຕິ​ກິລິຍາ​ຕໍ່​ການ​ກະທຳ​ໃໝ່​ຂອງ ສປປ ​ເກົາຫຼີ, ທ່ານ​ນາຍົກລັດຖະມົນຕີ ຍີ່ປຸ່ນ Shinzo Abe ​ໄດ້​ຕຳ​ນິຕິ​ຕຽນ​ເຫດ​ຍິງ​ລູກ​ສອນ​ໄພ​ຄັ້ງນີ້​ແມ່ນ “ການ​ທ້າ​ທາຍຢ່າງ​ເປີດ​ແປງ​ສຳລັບ​ມະຕິ​ຂອງ ສປຊ”.

        ​ເຫດ​ຍິງ​ລູກ​ສອນ​ໄຟ​ຄັ້ງ​ນີ້​ຖືກ​ດຳ​ເນີນ​ໄປ​ພາຍຫຼັງ ສ. ​ເກົາຫຼີ ​ແລະ ອາ​ເມ​ລິ​ກາ ບັນລຸ​ໄດ້​ຂໍ້​ຕົກລົງ​ກ່ຽວ​ກັບ​ການ​ຜັນ​ຂະຫຍາຍ​ລະບົບ​ປ້ອງ​ກັນ​ລູກ​ສອນ​ໄຟ​ລະດັບ​ສູງ​ໄລຍະ​ສຸດ​ທ້າຍ (THAAD) ຢູ່ ສ. ​ເກົາຫຼີ ພຽງ 1 ວັນ, ​ແລະ ພາຍຫຼັງ ວໍ​ຊິງ​ຕັນ ຈັດ​ວາງ​ຄຳ​ສັ່ງ​ລົງ​ໂທດ​ໂດຍ​ກົງ​ສຳ​ລັບ​ການ​ນຳ ສປປ. ​ເກົາຫຼີ Kim Jong – un 2, 3 ວັນ, ສິ່ງ​ທີ​່ ສປປ ​ເກົາຫຼີ ຖື​ວ່າ​ເກີນ​“ຂອບ​ເຂດ​ແດງ”.