(vovworld) – ວັນ​ທີ 17/08, ກອງທັບ​ສ.​ເກ​ົາຫຼີ ​ແລະ ອາ​ເມ​ລິ​ກາ ​ໄດ້​​ເລີ່​ມດຳ​ເນີນການ​ຊ້ອມ​ຮົບ​ຮ່ວມ​ປະຈຳ​ປີ​ທີ່​ມີ​ຊື່ວ່າ “ຜູ້​ປົກ​ປ້ອງ​ຄວາມ​ເສລີ Ulchi”, ​​ເຊິ່ງ​ແກ່ຍາວ​ຮອດ​ວັນ​ທີ 28/08. ການ​ຊ້ອມ​ຮົບ​ດັ່ງກ່າວ ​ໂດຍ​ມີ​ການ​ເຂົ້າ​ຮ່ວມ​ຂອງ​ພົນທະຫານ​ສ.​ເກົາຫຼີ 50.000 ຄົນ ​ແລະ ພົນທະຫານອາ​ເມ​ລິ​ກາ 3.000 ຄົນ. ​ເນື້ອ​ໃນ​ກາ​ນຊ້ອມ​ຮົບແມ່ນ​ເພື່ອຮັບ​ມື​ກັບ​ສະພາບ​​ ເຊິ່ງ​ພັນທະ​ມິດ​ອາ​ເມ​ລິ​ກາ - ສ.​ເກົາຫຼີ ​ເອີ້ນ​ວ່າ “ການ​ຮຸກ​ຮານ​ຂອງ​ສປປ.​ເກົາຫຼີ”. ​ເຊີ​ອຸ່ນ ​ແລະ ວໍ​ຊິງ​ຕັນ ຢືນຢັນ​ວ່າ, ການ​ຊ້ອມ​ຮົບ​ນີ້​ພຽງ​ມີ​ລັກ​ສະ​ນະ​ປ້ອງ​ກັນ. ກ່ອນ​ໜ້າ​ນັ້ນ, ສ​ປປ.​ເກົາຫຼີ ​ໄດ້​ອອກສຽງ​ກ່າວຫາ​ການ​ຊ້ອມ​ຮົບ​ລວມອາ​ເມ​ລິ​ກາ - ສ.​ເກົາຫຼີ ດັ່ງກ່າວ ​ແມ່ນ “ການ​ກະທຳ​​ເກາະ​ຜິດ”, ພ້ອມ​ທັງ​ກ່າວ​ເຕື່ອນ​ຈະບຸກ​ໂຈມ​ຕີ​ໂຕ້​ຕອບ.