ລະ​ບົບ​ປ້ອງ​ກັນ​ລູກ​ສອນ​ໄຟ​ລະ​ດັບ​ສູງ​ໄລ​ຍະ​ສຸດ​ທ້າຍ (THAAD)
(ພາບ: AP)

(vovworld) – ສ. ເກົາຫຼີ ແລະ ອາ​ເມ​ລິ​ກາ ​ເລືອກ​ເທດ​ສະ​ບານ Seongju, ຂຶ້ນ​ກັບ​ພາກ​ເໜືອ Gyeongsang, ຫ່າງ​ຈາກ​ນະ​ຄອນຫຼວງ ເຊີ​ອູນ ໄ​ປ​ທາງ​ທິດ​ຕາ​ເວັນ​ອອກ​ສ່ຽງ​ໃຕ້ 296 ກມ, ເປັນ​ສະ​ຖານ​ທີ່​ຜັນ​ຂະ​ຫຍາຍ​ລະ​ບົບ​ປ້ອງ​ກັນ​ລູກ​ສອນ​ໄຟ​ລະ​ດັບ​ສູງ​ໄລ​ຍະ​ສຸດ​ທ້າຍ (THAAD) ຂອງ ອາ​ເມ​ລິ​ກາ. ກະ​ຊວງ​ປ້ອງ​ກັນ​ຄວາມ​ສະ​ຫງົບ ສ. ເກົາຫຼີ ໄດ້​ຍອມ​ຮັບ​ວ່າ ເລື່ອງ​ຜັນ​ຂະ​ຫຍາຍ THAAD ຢູ່ Seongju ຈະ​ປະ​ກອບ​ສ່ວນ “ຮັບ​ປະ​ກັນ​ຄວາມ​ປອດ​ໄພ​ໃຫ້​ແກ່​ປະ​ຊາ​ຊົນ​ໃນ​ເຄິ່ງ​ໜ​ຶ່ງ ຫຼື 2/3 ຜືນ​ແຜ່ນ​ດິນ​ຂອງ ສ. ເກົາຫຼີ ໃຫ້​ດີ​ກ່​ວາ, ໃນ​ຂະ​ນະ​ເພີ່ມ​ທະ​ວີ​ກຳ​ລັງຄວາມ​ສາ​ມາດປ້ອງ​ກັນ​ບັນ​ດາ​ຮາກ​ຖານຫຼັກ​ແຫຼ່ງ​ຂອງ​ລັດ ຄື: ໂຮງ​ງານ​ໄຟ​ຟ້າ ນິວ​ເຄຼຍ ແລະ ໂຮງ​ງານ​ກັ່ນ​ນ້ຳ​ມັນ ກໍ່​ຄື​ບັນ​ດາ​ກຳ​ລັງ​ພັນ​ທະ​ມິດ ສ. ເກົາຫຼີ - ອາ​ເມ​ລິ​ກາ”. ຖ້າ​ແຫຼງ​ການ​ຂອງ​ກະ​ຊວງ​ປ້ອງ​ກັນ​ປະ​ເທດ ສ. ເກົາຫຼີ ກໍ່​ຊີ້​ແຈ້ງ ໃນ​ວິ​ວັດ​ການ​ເລືອກ​ເຟັ​້ນ​ສະ​ຖານ​ທີ່​ສຸດ​ທ້າຍນີ້, ກຸ່ມ​ເຮັດ​ວຽກ​ລວມ​ໄດ້​ຄິດ​ໄລ່​ເຖິງ​ປະ​ສິ​ດ​ທິ​ຜົນ​ການ​ທະ​ຫານ ແລະ ຄວາມ​ປອດ​ໄພ​ຂອງ​ປະ​ຊາ​ຊົນ, ຖືນີ້​ແມ່ນ​ບຸ​ລິ​ມະ​ສິດ​ແຖວ​ໜ້າ ແລະ ໄດ້​ດຳ​ເນີນ​ການ​ຄົ້ນ​ຄ້​ວາ​ປຽບ​ທຽບ, ກວດ​ກາ​ພື້ນ​ທີ່​ຕົວ​ຈິງ ແລະ ພື້ນ​ທີ່​​ຈຳ​ລອງ.