(vovworld) - ​ທ່ານ​ປະ​ທານ​ສະ​ພາ​ຕ່ຳ​ເຊັກ​ໂກ Jan Hamacek ໃຫ້​ຮູ້​ວ່າ, ທ່ານ​ພວມ​ລໍຖາ​ການ​ຢ້ຽມ​ຢາມ​ສ.ເຊັກ​ໂກ ​ຂອງ​ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ ຫງວຽນ​ທິ​ກິມ​ເງິນ ໃນ​ກາງ​ເດືອນ 04 ຈະ​ມາ​ເຖິງ ແລະ ຫວັງ​ວ່າ​ການ​ຢ້ຽມ​ຢາມ​ຈະ​ສ້າງ​ກຳ​ລັງ​ໜູນໃໝ່​​ຊຸກ​ຍູ້ການ​ພົວ​ພັນ​ຮ່ວມ​ມື​ລະ​ຫວ່າງ 2 ປະ​ເທດ. ທ່ານ Jan Hamacek ໄດ້​ຢືນ​ຢັນ​ຄື​ແນວນັ້ນ​ໃນ​ການ​ຕ້ອນ​ຮັບ​ທ່ານ​ເອກ​ອັກ​ຄະ​ລັດ​ຖະ​ທູດ​ຫວຽດ​ນາມ ປະ​ຈຳ​ສ.ເຊັກ​ໂກ ເຈືອງ​ແມ້ງ​ເຊີນ ເຂົ້າ​ຢ້ຽມ​ອຳ​ລາ ເນື່ອງ​ໃນ​ໂອ​ກາດ​ສິ້ນ​ສຸດ​​ໜ້າ​ທີ່ການ​ທູດ​ຢູ່​ເຊັກ​ໂກ. ທີ່​ການ​ຕ້ອນ​ຮັບ​ທ່ານ​ເອກ​ອັກ​ຄະ​ລັດ​ຖະ​ທູດ ເຈືອງ​ແມ​້ງ​ເຊີນ ໃນ​ວັນ​ທີ 30/03, ທ່ານ​ປະ​ທານ​ສະ​ພາ​ຕ່ຳ​ເຊັກ​ໂກ Jan Hamacek ຊີ້​ແຈ້ງວ່າ, ການ​ພົວ​ພັນ​ຮ່ວມ​ມື​ທີ່​ເປັນ​ມູນ​ເຊື້ອ​ລະ​ຫວ່າງ 2 ປະ​ເທດ​ໄດ້​ຮັບ​ການ​ພັດ​ທະ​ນາ​ຢ່າງ​ດີ​ງາມ​ໃນ​ໄລ​ຍະ​ຜ່ານ​ມາ ແລະ ການ​ຢ້ຽມ​ຢາມ​ຈະ​ມາ​ເຖິງ​ຂອງ​ທ່​າງ​ນາງ​ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ ຈະ​ປະ​ກອບ​ສ່ວນ​ເຮັດ​ໃຫ້​ການ​ພົວ​ພັນ 2 ຝ່າຍ, ໃນ​ນັ້ນ​ມີ​ການ​ພົວ​ພັນ​ຮ່ວມ​ມື​ຂອງ​ສະ​ພາ​ແຫ່ງ​ຊາດ 2 ປະ​ເທດ ເລິກ​ເຊິ່ງກວ່າ​ອີກ. ທ່ານປະ​ທານ Jan Hamacek ຫວັງ​ວ່າ, ດ​ວ້ຍ​ບົດ​ຮຽນ​ ແລະ ຄວາມ​ເຂົ້າ​ອົກ​ເຂົ້າ​ໃຈ​ຢ່າງ​ເລິກ​ເຊິ່ງ, ກວ້າງ​ຂວາງ​ກ່ຽວ​ກັບ​ສ.ເຊັກ​ໂກ, ທ່ານ​ເອກ​ອັກ​ຄະ​ລັດ​ຖະ​ທູດ ເຈືອງ​ແມ້ງ​ເຊີນ ຈະ​ສືບ​ຕໍ່​ຊ່ວຍ​ໂຄ​ສະ​ນາ​ພາບ​ພົດ​ປະ​ເທດ​ສ.ເຊັກ​ໂກ ຢູ່​ຫວຽດ​ນາມ ແລະ ມີ​ບັນ​ດາ​ການ​ປະ​ກອບ​ສ່ວນ​ຢ່າງ​ຕັ້ງ​ໜ້າ​ເຂົ້າ​ໃນ​ການ​ພົວ​ພັນ​ມິດ​ຕະ​ພາບ, ການ​ຮ່ວມ​ມື​ຮອບ​ດ້ານ​ລະ​ຫວ່າງ 2 ປະ​ເທດ​ໃນ​ໄລ​ຍະ​ຈະ​ມາ​ເຖິງ.

        ສ່ວນ​ທ່ານ​ເອກ​ອັກ​ຄະ​ລັດ​ຖະ​ທູດ ເຈືອງ​ແມ​້ງ​ເຊີນ ຢືນ​ຢັນ​ວ່າ, ຈະ​ເຮັດ​ຈົດ​ສຸດ​ຄວາມ​ສາ​ມາດ​ຂອງ​ຕົນ​ເພື່ອ​ເພີ່​ມ​ພູນ​​ຄູນ​ສ້າງ​ໃຫ້​ນ້ຳ​ໃຈ​ມິດ​ຕະ​ພາບ​ລະ​ຫວ່ງ 2 ປະ​ເທດ.