ຕອນບ່າຍວັນທີ 7 ມີນາ, ທ່ານ ເລແທງລຽມ, ຮອງປະທານຜູ້ປະຈຳການ ຄະນະກຳມະການນະຄອນ ໂຮ່ຈີມິນ ໄດ້ໃຫ້ການຕ້ອນຮັບທ່ານ Joo Joong Chul, ຮອງເຈົ້າແຂວງໆ Gyeongsangbuk, ສ. ເກົາຫຼີ, ພວມຢ້ຽມຢາມ ນະຄອນ ໂຮ່ຈີມິນ. ນະທີ່ນີ້, ທ່ານ ເລແທງລຽມ ເນັ້ນໜັກວ່າ: ໃນປີ 2018, 2 ທ້ອງຖິ່ນຄວນຕັ້ງໜ້າສົມທົບກັນ, ຍູ້ແຮງການເຄື່ອນໄຫວຮ່ວມມືມິດຕະພາບລະຫວ່າງ 2 ທ້ອງຖິ່ນໃນຂອບເຂດຂໍ້ຕົກລົງຮ່ວມມືມິດຕະພາບລະຫວ່າງ 2 ທ້ອງຖິ່ນຢ່າງມີປະສິດທິຜົນ. ນະຄອນ ໂຮ່ຈີມິນ ສະເໜີໃຫ້ຝ່າຍ ສ. ເກົາຫຼີ ໜູນຊ່ວຍ, ເອົາໃຈໃສ່ສ້າງເງື່ອນໄຂໃຫ້ແກ່ການເຄື່ອນໄຫວເຊື່ອມຕໍ່ຂອງບັນດາອົງການທີ່ກ່ຽວຂ້ອງໃນການສ້າງແຜນການລະອຽດກ່ຽວກັບການຈັດຕັ້ງບັນດາການເຄື່ອນໄຫວພົວພັນແລກປ່ຽນວັດທະນະທຳ, ເສດຖະກິດ… ຂອງນະຄອນ ໂຮ່ຈີມິນ ຢູ່ ສ. ເກົາຫຼີ ໃນປີ 2018.

        ສ່ວນທ່ານ Joo Joong Chul, ຮອງເຈົ້າແຂວງແຂວງ Gyeongsangbuk, ສ. ເກົາຫຼີ ພ້ອມແລ້ວທີ່ໜູນຊ່ວຍ ແລະ ສ້າງເງື່ອນໄຂທີ່ດີທີ່ສຸດໃຫ້ແກ່ນະຄອນ ໂຮ່ຈີມິນ ຈັດຕັ້ງບັນດາ ງານບຸນວັດທະນະທຳ ຫວຽດນາມ ຢູ່ Gyeongsangbuk. ພ້ອມທັງສ້າງເງື່ອນໄຂຈັດຕັ້ງບັນດາລາຍການເຄື່ອນໄຫວພົບປະແລກປ່ຽນບົດຮຽນ, ຍົກສູງລະດັບຄວາມຮູ້ໃຫ້ພະນັກງານ ແລະ ຄຸນນະພາບແຫຼ່ງຊັບພະຍາກອນມະນຸດໃຫ້ແກ່ນະຄອນ ໂຮ່ຈີມິນ, ປະກອບສ່ວນເພີ່ມທະວີຄວາມເຂົ້າໃຈ, ນ້ຳໃຈສາມັກຄີລະຫວ່າງປະຊາຊົນ 2 ທ້ອງຖິ່ນ.