ຮ້ານວາງສະແດງຢູ່າສູນການຄ້າໂລກ, ນະຄອນໃໝ່ ບິ່ນເຢືອງ ເດືອນພຶດສະພາປີ 2024 (ພາບ: TTXVN)

    ວັນທີ 17 ພະຈິກ, ເວັບໄຊ riotimesonline.com (Brazil)  ໄດ້ເອົາລົງບົດຂຽນກ່ຽວກັບສະພາບການຜະລິດທົ່ວໂລກ ພວມປ່ຽນແປງຢ່າງໄວວາ, ຄັດສະເໜີຂໍ້ມູນຫຼ້າສຸດຈາກນັກສະໜອງການບໍລິການ ຂໍ້ມູນດ້ານການເງິນແຖວໜ້າໂລກ S&P Global Market Intelligence (ອາເມລິກາ) ຊື່ງໃນນັ້ນໃຫ້ຮູ້ວ່າ: ຫວຽດນາມ ໄດ້ກາຍເປັນຈຸດໝາຍປາຍທາງອັນດັບໜຶ່ງ ເພື່ອໃຫ້ບັນດາບໍລິສັດຫັນປ່ຽນການຜະລິດ ແລະ ການຫັນປ່ຽນນີ້ ເພື່ອແນໃສ່ຮັກສາລະບົບສະໜອງບໍ່ຖືກຕັດຕອນ.

  ຕາມຂໍ້ມູນຂອງ S&P Global Market Intelligence (ອາເມລິກາ), ຫວຽດນາມ ໄດ້ລື່ນກາຍ Mexico ກາຍເປັນປະເທດນຳໜ້າໃນທ່າອຽງ “nearshoring” (ບັນດາບໍລິສັດຫັນປ່ຽນການຜະລິດ, ການບໍລິການ ແລະ ພະລາທິການ ຈາກປະເທດໄກ ໄປສູ່ບັນດາປະເທດໃກ້ຄຽງ). ຊື່ງພິສູດໃຫ້ເຫັນແມ່ນກຸ່ມບໍລິສັດ Samsung ໄດ້ລົງທຶນແຮງເຂົ້າໃນບັນດາໂຮງງານຜະລິດເຄື່ອງເອເລກໂຕນິກຢູ່ ຫວຽດນາມ. ກຸ່ມບໍລິສັດ Nike ແລະ Adidas ກໍ່ຫັນປ່ຽນການເຄື່ອນໄຫວຜະລິດໄປຍັງ ຫວຽດນາມ.

  ຕາມບົດຂຽນ, ກຳລັງແຮງງານຂອງ ຫວຽດນາມ ສວມບົດບາດສຳຄັນ ໃນການປະສົບຜົນສຳເລັດນີ້, ແມ່ນປັດໄຈສຳຄັນ ເພື່ອໃຫ້ບັນດາບໍລິສັດຊັ່ງຊາການຫັນປ່ຽນສະຖານທີ່ຜະລິດ. ຫວຽດນາມ ຢືນອັນດັບທີ 9 ໃນຈຳນວນ 60 ປະເທດໃນດັດຊະນີແຫ່ລງຊັບພະຍາກອນມະນຸດຂອງ ManpowerGroup (ອາເມລິກາ), ສະແດງໃຫ້ເຫັນວ່າ ຫວຽດນາມ ມີກຳລັງແຮງງານທີ່ໜ້າໄວ້ເນື້ອເຊື່ອໃຈ ແລະ ມີສີມືສູງ.