ວັນທີ 11 ພະຈິກ, ຢູ່ Baku, ອາຊັກໄບຊານ ໄດ້ໄຂກອງປະຊຸມສຸດຍອດຄັ້ງທີ 29 ລະຫວ່າງບັນດາຝ່າຍເຂົ້າຮ່ວມສົນທິສັນຍາແມ່ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP 29). ເຫດການມີການເຂົ້າຮ່ວມຂອງຜູ້ແທນ 80.000 ຄົນທີ່ມາຈາກເກືອບ 200 ປະເທດ. ກອງປະຊຸມໄດ້ແກ່ຍາວໃນໄລຍະເກືອບ 2 ອາທິດນີ້ໄດ້ຮັບການມຸ່ງຫວັງວ່າຈະສ້າງບາດລ້ຽວກ່ຽວກັບການກະທຳດ້ານດິນຟ້າອາກາດໃນສະພາບການໂລກພວມນັບມື້ນັບຮ້ອນຂຶ້ນ ແລະ ໄພພິບັດທາງດ້ານດິນຟ້າອາກາດພວມນັບມື້ນັບເພີ່ມຂຶ້ນໃນທົ່ວໂລກ.

ກອງປະຊຸມ COP 29 ປີນີ້ ຍັງໄດ້ເອີ້ນວ່າ “COP ການເງິນດິນຟ້າອາກາດ”, ຍ້ອນວ່າໜຶ່ງໃນບັນດາເປົ້າໝາຍຫຼັງຂອງກອງປະຊຸມແມ່ນເປັນເອກະພາບຈຳນວນເງິນທີ່ຕ້ອງນຳໃຊ້ໃນທຸກປີເພື່ອຊ່ວຍບັນດາປະເທດພວມພັດທະນາຮັບມືກັບບັນດາບັນຫາທີ່ກ່ຽວຂ້ອງເຖິງຢ່າງປ່ຽນແປງຂອງດິນຟ້າອາກາດ. ນີ້ແມ່ນໄດ້ຮັບການຄາດຄະເນແມ່ນໜຶ່ງໃນບັນດາບັນຫາຮ້ອນເຮັງທີ່ສຸດ ແລະ ກໍ່ຄວາມໂຕ້ຖຽງກັນທີ່ສຸດຢູ່ COP 29. ບັນດາປະເທດຈະຮັບຮອງເອົາບັນດາເປົ້າໝາຍດ້ານການເງິນໃໝ່ເພື່ອແນໃສ່ປ່ຽນແປງຄຳໝັ້ນສັນຍາສະຫງວນເງິນເປັນຈຳນວນ 100 ຕຶື້ USD/ປີໃຫ້ແກ່ບັນດາປະເທດພວມພັດທະນາທີ່ຈະໝົດເວລາກຳນົດໃນທ້າຍປີນີ້. ນີ້ກໍ່ແມ່ນຄັ້ງທຳອິດພາຍຫຼັງ 15 ປີ, ບັນດາເທດ ຈະພ້ອມກັນຕີລາຄາຄືນໃໝ່ຈຳນວນເງິນກໍ່ຄືຮູບແບບການເງິນເຊິ່ງ ບັນດາປະເທດພວມພັດທະນາໄດ້ຮັບເພື່ອໃຊ້ຈ່າຍໃຫ້ແກ່ການກະທຳຮັບມືກັບການປ່ຽນແປງດິນຟ້າອາກາດ.