ທ່ານເອກອັກຄະລັດຖະທູດ ດັ້ງຮວ່າງຢາງ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ (ພາບ: ນັກຂ່າວ VOV ປະຈຳ ອາເມລິກາ)

ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ດັ້ງຮວ່າງຢາງ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ, ໄດ້ເນັ້ນໜັກວ່າ ຫວຽດນາມ ກ່າວປະຮາມການກະທຳບຸກໂຈມຕີຢ່າງແຮງ ແນໃສ່ສາມັນຊົນ ແລະ ພື້ນຖານໂຄງລ່າງພົນລະເຮືອນ. ຜູ້ຕາງໜ້າ ຫວຽດນາມ ຮຽກຮ້ອງໃຫ້ປະຊາຄົມສາກົນ, ພິເສດແມ່ນທຸກຝ່າຍທີ່ກ່ຽວຂ້ອງ, ສ້າງເງື່ອນໄຂສະດວກເພື່ອຢຸດຕິການປະທະກັນ, ເຊື່ອມຕໍ່ການເຈລະຈາຄືນໃໝ່, ອະນຸຍາດໃຫ້ເຂົ້າເຖິງການຊ່ວຍເຫຼືອມະນຸດສະທຳ ແລະ ຜັນຂະຫຍາຍບັນດາການເຄື່ອນໄຫວຊ່ວຍເຫຼືອມະນຸດສະທຳຢ່າງທັນການ, ພ້ອມທັງຮັບປະກັນຄວາມປອດໄພໃຫ້ບັນດາພະນັກງານຊ່ວຍເຫຼືອມະນຸດສະທຳ. ທ່ານເອກອັກຄະລັດຖະທູດ ຫວຽດນາມ ດັ້ງຮວ່າງຢາງ ກໍສະເໜີໃຫ້ກຸ່ມ 4 ຝ່າຍກ່ຽວກັບສັນຕິພາບຢູ່ຕາເວັນອອກກາງເຄື່ອນໄຫວຄືນໃໝ່; ຮຽກຮ້ອງໃຫ້ບັນດາຝ່າຍກັບຄືນສູ່ການເຈລະຈາ ເພື່ອແກ້ໄຂກົກປາຍສາຍເຫດ, ມຸ່ງໄປເຖິງການບັນລຸໄດ້ມາດຕະການສອງລັດ ດ້ວຍ Jerusalem ຕາເວັນອອກແມ່ນນະຄອນຫຼວງຂອງ ລັດ ປາແລັດສະຕິນ ແລະ ເສັ້ນຊາຍແດນກ່ອນປີ 1967, ສອດຄ່ອງກັບກົດໝາຍສາກົນ ແລະ ບັນດາມະຕິກ່ຽວຂ້ອງຂອງ ສປຊ.

ນັກຂ່າວ VOV ປະຈຳ ອາເມລິກາ