ຫວຽດນາມ ຄັດຄ້ານການສະຫຼຸບຕ້ານການຂາຍບຸບລາຄາສັງກະສີເຄືອບ ຫວຽດນາມ ຂອງ KADI (ພາບ: thanhnien.vn)

ກົມປ້ອງກັນດ້ານການຄ້າຂອງ ກະຊວງອຸດສາຫະກຳ ແລະ ການຄ້າ ຫວຽດນາມ ຫາກໍ່ສົ່ງຈົດໝາຍຄັດຄ້ານບາງເນື້ອໃນໃນແຜນຮ່າງລະອຽດຂອງຄະນະກຳມະການຕ້ານການຂາຍບຸບລາຄາ ອີນໂດເນເຊຍ (KADI). ກ່ອນນັ້ນ, ໃນວັນທີ 30 ສິງຫາ, KADI ປະກາດໃຊ້ຮ່າງສະຫຼຸບການສືບສວນໃນການຕ້ານການຂາຍບຸບລາຄາສຳລັບສັງກະສີເຄືອບນຳເຂົ້າຈາກ ຫວຽດນາມ ແລະ ຈີນ. ພາຍຫຼັງທີ່ໄດ້ຮັບຂໍ້ມູນ, ກົມປ້ອງກັນດ້ານການຄ້າ ຫວຽດນາມ ໄດ້ໄຈ້ແຍກບັນດາເອກະສານຂອງ KADI ແລະ ແລກປ່ຽນກັບບັນດາວິສາຫະກິດທີ່ມີສິດ ແລະ ຜົນປະໂຫຍດກ່ຽວຂ້ອງ ແລະ ສະເໜີໃຫ້ KADI ນຳໃຊ້ບັນດາຂໍ້ມູນຂ່າວ, ຖານຂໍ້ມູນໂດຍບັນດາວິສາຫະກິດ ຫວຽດນາມ ສະໜອງ ແລະ ໄດ້ໃຫ້ການຮ່ວມມືຢ່າງຖີ່ຖ້ວນກັບ KADI ໃນການວິວັດການສືບສວນ.