ທີ່ການຕ້ອນຮັບທ່ານນາງ Elsbeth Akkerman ເນື່ອງໃນໂອກາດທ່ານມາຮັບໜ້າທີ່ ເປັນເອກອັກຄະລັດຖະທູດ ໂຮນລັງ ປະຈໍາ ຫວຽດນາມ, ວັນທີ 14 ມີນາ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຢັ້ງຢືນວ່າ ຫວຽດນາມ ຍາມໃດກໍຖືການພົວພັນມິດຕະພາບ, ການຮ່ວມມືຢ່າງມີປະສິດທິຜົນໃນຫຼາຍດ້ານກັບ ໂຮນລັງ ເປັນສໍາຄັນ.

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ  ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ (ພາບ: chinhphu.vn)

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ສະເໜີວ່າ ສອງປະເທດ ສືບຕໍ່ເພີ່ມທະວີການພົວພັນຮ່ວມມືກ່ຽວກັບ ເສດຖະກິດ - ການຄ້າ - ການລົງທຶນ; ພ້ອມທັງປາດຖະໜາວ່າ ບັນດາອົງການກ່ຽວຂ້ອງຂອງສອງປະເທດ ຜັນຂະຫຍາຍມາດຕະການລະອຽດ ເພື່ອຍົກວົງເງິນການຄ້າສອງສົ້ນໃຫ້ສູງກວ່າອີກ. ທ່ານໃຫ້ຮູ້ວ່າ, ບັນດາທ້ອງຖິ່ນ ແລະ ນັບທັງວິສາຫະກິດຫວຽດນາມ ຢາກຮ່ວມມືກັບບັນດາວິສາຫະກິດ ໂຮນລັງທີ່ສຸດ, ໂດຍສະເພາະແມ່ນໃນບັນດາຂົງເຂດ ເຊິ່ງ ໂຮນລັງມີທ່າແຮງ.

        ສ່ວນທ່ານນາງ Elsbeth Akkerman ອວຍພອນ ລັດຖະບານ ແລະ ປະຊາຊົນ ຫວຽດນາມ ໄດ້ຈັດຕັ້ງກອງປະຊຸມສຸດຍອດລະຫວ່າງ ອາເມລິກາ - ສປປ.ເກົາຫຼີ ຄັ້ງທີ 2 ຢ່າງສໍາເລັດຜົນ ແລະ ເຊື່ອໝັ້ນວ່າ ຫວຽດນາມ ຈະສືບຕໍ່ບັນລຸໄດ້ບັນດາຜົນງານໃໝ່ໃນຖານະເປັນປະທານ ອາຊຽນ ໃນປີ 2020 ກໍຄື ກາຍເປັນ ຄະນະກໍາມະການບໍ່ປະຈໍາການ ສະພາຄວາມໝັ້ນຄົງ ສປຊ ອາຍຸການ 2020 – 2021.

         ຕອນບ່າຍຂອງວັນດຽວກັນ, ຢູ່ສໍານັກງານລັດຖະບານ, ທ່ານນາຍົກລັດຖະມົນຕີ ຫງວຽນຊວນຟຸກ ກໍໄດ້ໃຫ້ການຕ້ອນຮັບທ່ານ Kensaku Morita, ເຈົ້າແຂວງໆ Chiba, ປະເທດ ຍີ່ປຸ່ນ ທີ່ພວມມີການຢ້ຽມຢາມຫວຽດນາມ.