ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ແລະ ທ່ານເອກອັກຄະລັດຖະທູດ ປານາມາ ປະຈໍາຫວຽດນາມ Servico Samudio (ພາບ: Thoibaotaichinh.vn)

 ຕອນເຊົ້າວັນທີ 15 ກໍລະກົດ, ຢູ່ຮ່າໂນ້ຍ, ທ່ານ  Servico Samudio ເອກອັກຄະລັດຖະທູດ ປານາມາ ປະຈໍາຫວຽດນາມ  ໄດ້ເຂົ້າຢ້ຽມອໍາລາ ເນື່ອງໃນໂອກາດສິ້ນສຸດການປະຕິບັດໜ້າທີ່ທາງການທູດຢູ່ຫວຽດນາມ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ຊົມເຊີຍທ່ານເອກອັກຄະລັດຖະທູດ Servico Samudio ທີ່ໄດ້ປະຕິບັດສໍາເລັດອາຍຸການປະຕິບັດງານຢູ່ຫວຽດນາມ ເປັນຢ່າງດີ ແລະ ມີບັນດາການປະກອບສ່ວນສໍາຄັນເຂົ້າໃນການຊຸກຍູ້ການຮ່ວມມືລະຫວ່າງສອງປະເທດ. ທ່ານນາຍົກລັດຖະມົນຕີ ຢັ້ງຢືນວ່າ ຫວຽດນາມ ຖືການເພີ່ມທະວີການພົວພັນກັບບັນດາປະເທດ ອາເມລິກາ ລາຕິນ ເວົ້າລວມ ແລະ ປານາມາ ເວົ້າສະເພາະ ເປັນສໍາຄັນ. ພ້ອມທັງ, ສະເໜີວ່າ ສອງປະເທດ ສືບຕໍ່ຊຸກຍູ້ການຮ່ວມມືດ້ານການຄ້າ ແລະ ການລົງທຶນ.

        ສ່ວນທ່ານເອກອັກຄະລັດຖະທູດ Servico Samudio ຢັ້ງຢືນວ່າ ປານາມາ ຍາມໃດກໍຄຽງບາຄຽງໄຫຼ່, ສະໜັບສະໜູນ ຫວຽດນາມ ແບກຫາບບົດບາດເປັນປະທານ ອາຊຽນ ໃນປີ 2020 ໄດ້ເປັນຢ່າງດີ ແລະ ປາດຖະໜາຢາກໃຫ້ ຫວຽດນາມ ເປັນຂົວເຊື່ອມຕໍ່ ເພື່ອໃຫ້ ປານາມາ ແຊກຊຶມເຂົ້າຕະຫຼາດຂອງ ອາຊຽນ. ປານາມາ ກໍພ້ອມແລ້ວທີ່ຈະເປັນຂົວເຊື່ອມຕໍ່ ເພື່ອໃຫ້ຫວຽດນາມ ແຊກຊຶມເຂົ້າຕະຫຼາດ ອາເມລິກາ ລາຕິນ. ທ່ານກໍເຊື່ອໝັ້ນວ່າ ສອງຝ່າຍຈະຈັດຕັ້ງການເຄື່ອນໄຫວຫຼາຍຢ່າງເພື່ອສະເຫຼີມສະຫຼອງ 45 ປີ ແຫ່ງວັນສ້າງຕັ້ງການພົວພັນທາງການທູດ ໃນປີ 2020 ແລະ ປານາມາ ປາດຖະໜາວ່າ ຈະໄດ້ຕ້ອນຮັບນາຍົກລັດຖະມົນຕີຫວຽດນາມ ໄປຢ້ຽມຢາມ ປານາມາ ໃນໄລຍະຈະມາເຖິງ.