(VOVWORLD) - ທ່ານ ໂດ໋ຮຸ່ງຫວຽດ ຢັ້ງຢືນວ່າ ຫວຽດນາມ ຍາມໃດກໍ່ຖືການພົວພັນຮ່ວມມືມິດຕະພາບລະຫວ່າງບັນດາປະເທດໃນເຂດອ່າງແມ່ນ້ຳຂອງເປັນສຳຄັນ
 ທ່ານ ໂດ໋ຮຸ່ງຫວຽດ ແລະ ທ່ານ ປອ. ອະນຸລັກ ກິດຕິຄຸນ ທີ່ການເຮັດວຽກ |
ຕອນບ່າຍວັນທີ 5 ກໍລະກົດ, ຢູ່ຮ່າໂນ້ຍ, ທ່ານ ໂດ໋ຮຸ່ງຫວຽດ, ຜູ້ຊ່ວຍວຽກລັດຖະມົນຕີກະຊວງການຕ່າງປະເທດ ຫວຽດນາມ ໄດ້ຕ້ອນຮັບ ປອ. ອະນຸລັກ ກິດຕິຄຸນ, ຜູ້ອຳນວຍການບໍລິຫານຄະນະເລຂາຄະນະກຳມາທິການແມ່ນ້ຳຂອງສາກົນ.
ທ່ານ ໂດ໋ຮຸ່ງຫວຽດ ສະແດງຄວາມຊົມເຊີຍທີ່ທ່ານ ປອ. ອະນຸລັກ ກິດຕິຄຸນ ໄດ້ດຳລົງຕຳແໜ່ງເປັນຜູ້ອຳນວຍການບໍລິຫານຄະນະເລຂາຄະນະກຳມາທິການແມ່ນ້ຳຂອງສາກົນ (MRC) ອາຍຸການ 2022 – 2024. ທ່ານ ໂດ໋ຮຸ່ງຫວຽດ ຢັ້ງຢືນວ່າ ຫວຽດນາມ ຍາມໃດກໍ່ຖືການພົວພັນຮ່ວມມືມິດຕະພາບລະຫວ່າງບັນດາປະເທດໃນເຂດອ່າງແມ່ນ້ຳຂອງເປັນສຳຄັນ ແລະ ເນັ້ນໜັກວ່າ MRC ແລະ ສັນຍາຮ່ວມມືພັດທະນາເຂດຍ່ານລຸ່ມແມ່ນ້ຳຂອງ ປີ 1995 ແບບຍືນຍົງ ໄດ້ປະກອບສ່ວນສຳຄັນເຂົ້າໃນສະຖຽນລະພາບ ແລະ ການພັດທະນາແບບຍືນຍົງຢູ່ເຂດອ່າງ ແລະ ຢັ້ງຢືນວ່າ ຫວຽດນາມ ຈະເປັນເຈົ້າການ, ຕັ້ງໜ້າເຂົ້າຮ່ວມປະກອບສ່ວນເຂົ້າໃນການເຄື່ອນໄຫວຮ່ວມມືຂອງຄະນະກຳມາທິການ.
ທ່ານ ປອ ອະນຸລັກ ກິດຕິຄຸນ ຕີລາຄາສູງການເຂົ້າຮ່ວມ ແລະ ການປະກອບສ່ວນຢ່າງຕັ້ງໜ້າ, ມີຄວາມຮັບຜິດຊອບ ແລະ ມີປະສິດທິຜົນຂອງ ຫວຽດນາມ ໃນການເຄື່ອນໄຫວຂອງຄະນະກຳມາທິການ, ພ້ອມທັງຮັບຮູ້ບັນດາຄວາມເຫັນ, ຂໍ້ສະເໜີແນະຈາກຝ່າຍ ຫວຽດນາມ.