ເວທີປາໄສທົ່ວໂລກກ່ຽວກັບການຕັ້ງຖິ່ນຖານ ຄັ້ງທີ 19 (ພາບ: VOV)

ວັນທີ 24 ຕຸລາ, ຢູ່ສຳນັກງານ ສປຊ ຢູ່ນິວຢອກ (ອາເມລິກາ) ໄດ້ດຳເນີນເວທີປາໄສທົ່ວໂລກກ່ຽວກັບການຕັ້ງຖິ່ນຖານ ຄັ້ງທີ 19 ດ້ວຍຫົວຂໍ້ “ຊຸກຍູ້ການປ່ຽນແປງໃໝ່ ແລະ ບົດບາດນຳພາຢູ່ ທ້ອງຖິ່ນ ເພື່ອອະນາຄົດແບບຍືນຍົງຂອງບັນດາຕົວເມືອງ”.

ກ່າວຄຳເຫັນໃນຖານະເປັນນັກປະຖະກະຖາ, ທ່ານເອກອັກຄະລັດຖະທູດ ດັ່ງຮ່ວາງຢາງ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ສະເໜີບາງມາດຕະການແກ້ໄຂເພື່ອພັດທະນາຕົວເມືອງແບບຍືນຍົງ. ຕາມນັ້ນແລ້ວ, ບັນດາຂໍ້ລິເລີ່ມ ແລະ ພຶດຕິກຳຕົວຈິງໃນການພັດທະນາຕົວເມືອງຕ້ອງຕິດພັນກັບການປະຕິບັດເປົ້າໝາຍພັດທະນາແບບຍືນຍົງເລກທີ 11 ກ່ຽວກັບບັນດານະຄອນ ແລະ ປະຊາຄົມແບບຍືນຍົງ. ການກໍ່ສ້າງ ແລະ ພັດທະນາບັນດາຕົວເມືອງໃໝ່ຕ້ອງໄດ້ຮັບການດຳເນີນຕາມວິທີການສີຂຽວ ແລະ ອັດສະລິຍະກ່ວາ, ຫຼຸດຜ່ອນການປ່ອຍອາຍພິດເຮືອນແກ້ວ, ເພີ່ມທະວີຄວາມສາມາດໃນການຮັບມືກັບການປ່ຽນແປງຂອງດິນຟ້າອາກາດ ແລະ ໄພພິບັດທຳມະຊາດ.

ທ່ານ ດັ້ງຮ່ວາງຢາງ ໃຫ້ຮູ້ວ່າ, ປັດຈຸບັນ ອັດຕາຫັນເປັນຕົວເມືອງຂອງ ຫວຽດນາມ       ບັນລຸປະມານ 42% ແລະ ເສດຖະກິດຕົວເມືອງປະກອບສ່ວນ 70% ຍອດຈຳນວນລາຍຮັບທົ່ວປະເທດ. ຫວຽດນາມ ໄດ້ເພີ່ມທະວີການລົງທຶນເຂົ້າການພັດທະນາພື້ນຖານໂຄງລ່າງຕົວເມືອງທັນສະໄໝ, ເປັນສີຂຽວກ່ວາ, ເພື່ອຮັບປະກັນຊີວິດການເປັນຢູ່ຂອງປະຊາຊົນ.