ສປປ.ເກົາຫຼີ ລະເບີດເສັ້ນທາງເຊື່ອມຕໍ່ກັບ ສ.ເກົາຫຼີ  (ພາບ:Reuters)

ວັນທີ 17 ຕຸລາ, ທີ່ການຖະແຫລງຂ່າວນັດສາມັນຂອງກະຊວງການຕ່າງປະເທດ ຫວຽດນາມ, ເມື່ອຕອບຄຳຖາມຂອງນັກຂ່າວ ກ່ຽວກັບການຜັນແປຄວາມເຄັ່ງຕຶງໃນໄລຍະມໍ່ໆມານີ້ ຢູ່ ແຫລມເກົາຫລີ, ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ຫວຽດນາມ ຊີ້ແຈ້ງວ່າ: ຫວຽດນາມ ມີຄວາມສົນໃຈເຖິງສະພາບການຢູ່ ແຫລມເກົາຫລີ ໃນໄລຍະມໍ່ໆມານີ້. ຫວຽດນາມ ປາດຖະຫນາຢາກບັນດາຝ່າຍຈົ່ງອົດກັ້ນ, ຫລີກລ້ຽງບໍ່ເຮັດໃຫ້ ຄວາມເຄັ່ງຕຶງເພີ່ມຂຶ້ນ, ຢຶດໝັ້ນການພົບປະເຈລະຈາ, ຄວນເອົາໃຈໃສ່ເຖິງຜົນປະໂຫຍດຂອງກັນກໍ່ຄືຜົນປະໂຫຍດລວມຂອງພາກພື້ນ ແລະ ສາກົນ, ປະກອບສ່ວນເຂົ້າໃນການຮັກສາສັນຕິພາບ ສະຖຽນລະພາບຢູ່ ແຫລມເກົາຫລີ ໃນພາກພື້ນ ແລະໃນໂລກ.

ກ່ຽວຂ້ອງເຖິງສະພາບການປົກປ້ອງພົນລະເມືອງ ຫວຽດນາມ ຢູ່ ເຂດຕາເວັນອອກກາງ, ທ່ານນາງໂຄສົກກະຊວງການຕ່າງປະເທດ ຫວຽດນາມ ຢືນຢັນ: ມາຮອດປະຈຸບັນ, ທັງໝົດພົນລະເມືອງ ຫວຽດນາມ ຢູ່ເຂດນີ້ ຍັງປອດໄພຢູ່. ບັນດາອົງການຕາງຫນ້າຂອງຫວຽດນາມ ຢູ່ ຕາເວັນອອກກາງ ສືບຕໍ່ສົມທົບກັນຢ່າງແຫນ້ນແຟ້ນກັບອົງການທີ່ມີຫນ້າທີີ່ຮັບຜິດຊອບຂອງປະເທດປະຈຳຖິ່ນ ແລະ ອົງການ, ຫົວຫນ່ວຍໃນວົງຄະນາຍາດ ເພື່ອອັບເດດສະພາບການ ແລະ ຂຶ້ນແຜນການກະກຽມວິທີການປົກປ້ອງ, ຍົກຍ້າຍພົນລະເມືອງໄປເຖິງບ່ອນປອດໄພເມື່ອມີຄວາມຈຳເປັນ.