(ພາບປະກອບ: TTXVN)

  ພະຍານຫຼັກຖານແມ່ນ ການຜະລິດຂອງ ຫວຽດນາມ ໄດ້ບັນລຸລະດັບສູງສະຖິຕິ, ນັບມື້ນັບມີສິນຄ້າ “Made in Vietnam” ໄດ້ປະກົດຂຶ້ນ ແລະ ກວມເອົາຈຳນວນຫຼາຍໃນຕະຫຼາດສາກົນ. ຈຸດຢືນຂອງສິນຄ້າ ຫວຽດນາມ ໂດຍສະເພາະແມ່ນມີເງິນລົງທຶນໂດຍກົງຈາກຕ່າງປະເທດ (FDI) ນັບມື້ນັບໄດ້ຍົກສູງຂຶ້ນ. ພ້ອມດຽວກັນນັ້ນ, ເລື່ອງບັນດາໂຄງການ FDI ລົງທຶນໃໝ່, ດັດປັບເພີ່ມທຶນນັບຮ້ອຍລ້ານ USD ໃນຊຸມວັນຕົ້ນປີ 2022 ນີ້ ໄດ້ສະແດງໃຫ້ເຫັນຄວາມໄວ້ເນື້ອເຊື່ອໃຈຂອງນັກລົງທຶນທີ່ມີຕໍ່ແງ່ຫວັງຟື້ນຟູເສດຖະກິດຂອງ ຫວຽດນາມ.

        ຕາມ Sputnik ແລ້ວ, ນອກຈາກກຸ່ມບໍລິສັດຍັກໃຫຍ່ຄື Samsung, Nokia ຫຼື Intel, ຫວ່າງມໍ່ໆມານີ້ ມີຫຼາຍໂຄງການຜະລິດຂອງບັນດາກຸ່ມບໍລິສັດໃຫຍ່ ຫຼື ໄດ້ຮັບການມອບສິດ ເປັນຕົ້ນແມ່ນ Foxconn, Pegatron,      Wistron, LEGO ລ້ວນແຕ່ປະກາດຍູ້ແຮງການລົງທຶນເຂົ້າ ຫວຽດນາມ. ວົງການນັກຊ່ຽວຊານຖືວ່າ ລະບົບໂຮງຈັກໂຮງງານທີ່ໄດ້ຮັບການລົງທຶນຢູ່ ຫວຽດນາມ ແມ່ນດີທີ່ສຸດ, ລາຍຈ່າຍຄ່າແຮງງານຍັງຢູ່ໃນລະດັບແກ້ງແຍ້ງ ເຖິງວ່າ ໄດ້ເພີ່ມຂຶ້ນໃນຊຸມປີຜ່ານມາກໍ່ຕາມ.

        ນັກລົງທຶນຕ່າງປະເທດຫຼາຍທ່ານໄດ້ຕີລາຄາວ່າ ຫວຽດນາມ ພວມສ້າງສະພາບແວດລ້ອມແຫ່ງການລົງທຶນທີ່ດູດດື່ມ ເປັນຕົ້ນແມ່ນມີແຫຼ່ງແຮງງານທີ່ອຸດົມສົມບູນ, ສະຖານະການການເມືອງ - ສັງຄົມເປັນປົກກະຕິ, ພື້ນຖານໂຄງລ່າງ ແລະ ການຈໍລະຈອນ ພ້ອມດ້ວຍບັນດາລະບອບນະໂຍບາຍບຸລິມະສິດໃນການລົງທຶນ.