ກວດກາກຳປັ່ນຫາປາຂອງຊາວປະມົງ (ພາບ: TTXVN)

ພາຍຫຼັງໄລຍະເກືອບ 5 ປີ, ຫວຽດນາມ ໄດ້ສຸມໃສ່, ເປັນເຈົ້າການປະຕິບັດບັນດາການກະທຳໃຫ້ສອດຄ່ອງກັບຂໍ້ສະເໜີ ແລະ ກຳນົດຂອງ EC ກ່ຽວກັບ IUU ເພື່ອຍົກເລີກ ບັດເຫຼືອງ ຍິ່ງໄວກໍ່ຍິ່ງດີ. ຫວຽດນາມໄດ້ສຳຫຼວດກວດກາ, ເພີ່ມເຕີມເອກະສານນິຕິກຳ ແລະ ເພີ່ມທະວີກົດບັງຄັບໃນກົດໝາຍວ່າດ້ວຍສິນໃນນ້ຳສະບັບປັບປຸງ, ບັນດາເອກະສານ ແລະ ແຜນການເຄື່ອນໄຫວຂອງລັດຖະບານ. ຢູ່ກອງປະຊຸມທາງໄກຄັ້ງຫຼ້າສຸດລະຫວ່າງ ຫວຽດນາມ ແລະ EC ໃນເດືອນພະຈິກປີ 2021, ບັນດາເຈົ້າໜ້າ EC ໄດ້ຕີລາຄາສູງຕໍ່ການປ່ຽນແປງໃນກົດໝາຍ. ນີ້ແມ່ນໜຶ່ງໃນ 4 ຂໍ້ສະເໜີຫຼັກຂອງ EC ສຳລັບ ຫວຽດນາມ ເພື່ອແນໃສ່ແກ້ໄຂບັນຫາການຫາປາຂອງ IUU. ນອກຈາກນັ້ນ, ຫວຽດນາມ ໄດ້ໝູນໃຊ້ເຕັກໂນໂລຢີຂໍ້ມູນຂ່າວສານ ແລະ ການຫັນເປັນດີຈີຕອນເພື່ອກຳນົດຕົ້ນກຳເນີດ, ມຸ່ງໄປເຖິງການຮັບປະກັນການຫັນເປັນດີຈີຕອນໃນວິວັດການຕິດຕາມກວດກາ ແລະ ດັດປັບຜະລິດຕະພັນສິນໃນນ້ຳຕາມລະບົບມູນຄ່າໃຫ້ເໝາະສົມກັບຄວາມຕ້ອງການໃນການບໍລິໂພກພາຍໃນປະເທດ ແລະ ສາກົນ.