ຮອດຕອນເຊົ້າວັນທີ 8 ມີນາ, ຫວຽດນາມໄດ້ມີກໍລະນີຕິດໂລກລະບາດ COVID-19 ຕື່ມອີກ 5 ຄົນ

ຕາມຂ່າວຈາກກະຊວງສາທາລະນະສຸກຫວຽດນາມ  ໃຫ້ຮູ້ວ່າ ໃນເວລາ 19 ໂມງຂອງວັນທີ 6 ມີນາ, ສູນຄວບຄຸມໂລກພະຍາດນະຄອນຮ່າໂນ້ຍ ໄດ້ແຈ້ງໃຫ້ຊາບວ່າ ມີຕື່ມອີກ ກໍລະນີໜຶ່ງ ນັ່ງຢູ່ມໍ່ກັບຄົນເຈັບຜູ້ທີ 17 ຢູ່ຫວຽດນາມໃນຖ້ຽວບິນ  VN0054, ມີອາການສົງໄສຕິດພະຍາດ ແລ້ວໄດ້ເອົາຕົວຢ່າງ ແລະ ສົ່ງຄົນເຈັບໄປຍັງໂຮງໝໍພະຍາດເຂດຮ້ອນເລກ 2 ແລ້ວ. ຜົນຂອງການວິໄຈໄດ້ໃຫ້ເຫັນວ່າ ຄົນເຈັບໄດ້ຕິດເຊື້ອໄວຣັດ SARS-CoV – 2 ແລ້ວ.

ກ່ອນໜ້ານັ້ນ ສະຖາບັນອະນາໄມລະບາດວິທະຍາສູນກາງໄດ້ແຈ້ງໃຫ້ຊາບວ່າ ໄດ້ກວດພົບເຫັນຕື່ມອີກ 2 ກໍລະນີຕິດໂລກ COVID-19 ໃນຈຳນວນຜູ້ທີ່ໄດ້ສຳຜັດໃກ້ກັບຄົນເຈັບຍິງ ຜູ້ທີ 17 ທີ່ພັກອາໄສຢູ່ ເມືອງ ບາດິ່ງ ຮ່າໂນ້ຍ. ນັ້ນແມ່ນບ້າຄີງຂອງຄົນເຈັບທີ 17  ແລະ ຜູ້ຂັບລົດຂອງຄອບຄົວຄົນເຈັບຜູ້ທີ 17. ນີ້ແມ່ນສອງກໍລະນີມີການສຳຜັດໃກ້ກັບຄົນເຈັບຜູ້ທີ 17  ແລະ ໄດ້ສູນຄວບຄຸມໂລກພະຍາດຮ່າໂນ້ຍ ແຍກຕົວຢູ່ຕ່າງຫາກຢູ່ໂຮງໝໍພະຍາດເຂດຮ້ອນສູນກາງ, ພາຍຫຼັງ ໄດ້ກວດພົບຜູ້ຄົນດັ່ງກ່າວຕິດໂລກ COVID-19.

ເປັນອັນວ່າ, ຮອດຕອນເຊົ້າວັນທີ 8 ມີນາ, ຫວຽດນາມໄດ້ມີກໍລະນີຕິດໂລກລະບາດ COVID-19 ຕື່ມອີກ 5 ຄົນ. ສ່ວນ 16 ຄົນທີ່ຕິດພະຍາດກ່ອນໜ້ານັ້ນ ໄດ້ຮັບການປິ່ນປົວຫາຍດີເປັນປົກກະຕິແລ້ວ.