ວັນທີ 25 ເມສາ, ທີ່ງານວາງສະແດງສິນໃນນ້ຳທົ່ວໂລກ ພວມດຳເນີນຢູ່ ບຣຸກແຊນ (ລາຊະອານາຈັກ ແບນຊິກ), ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ໄດ້ສົມທົບກັບສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳ ຫວຽດນາມ (VASEP) ພ້ອມກັບສະຖານທູດ ຫວຽດນາມ ປະຈຳ ລາຊະອານາຈັກ ແບນຊິກ ຈັດຕັ້ງການປະຊຸມຂ່າວເພື່ອອັບເດັດໃຫ້ສື່ມວນຊົນກໍ່ຄືບັນດາວິສາຫະກິດນຳເຂົ້າສິນໃນນ້ຳ ເອີລົບ ຮັບຊາບບັນດາວຽກງານຕົວຈິງ ແລະ ບັນດາມາດຕະການເຊິ່ງ ຫວຽດນາມ ຜັນຂະຫຍາຍເພື່ອຕ້ານການຫາປາຢ່າງຜິດກົດໝາຍ, ບໍ່ມີການລາຍງານ ແລະ ບໍ່ໄດ້ຮັບການຄຸ້ມຄອງ (IUU).

        ທີ່ການປະຊຸມຂ່າວ, ທ່ານນາງ ຫງວຽນທິຈາງຍູງ, ຮອງຫົວໜ້າກົມວິທະຍາສາດ, ເຕັກໂນໂລຊີ ແລະ ການຮ່ວມມືສາກົນ ຂຶ້ນກັບກະຊວງກະສິກຳ ແລະ ພັດທະນາຊົນນະບົດໃຫ້ຮູ້ວ່າ: ຫວຽດນາມ ໄດ້ບັນລຸໝາກຜົນພໍສົມຄວນໃນ 6 ໝວດບັນຫາໃຫຍ່. ໃນນັ້ນ, ສຳຄັນທີ່ສຸດແມ່ນກອບນິຕິກຳດ້ວຍກົດໝາຍວ່າກັບສິນໃນນ້ຳໄດ້ຮັບການຮັບຮອງເອົາໃນວັນທີ 21 ພະຈິກ 2017 ດ້ວຍວິທີການສຳຜັດແບບໃໝ່ໃນວຽກງານການຄຸ້ມຄອງອາຊີບຫາປາ, ຈາກການສຳຜັດເປີດໄປສູ່ການສຳຜັດປິດຜ່ານລະບົບໄດ້ຮັບອະນຸຍາດກ່ຽວກັບການຄຸ້ມຄອງໂກຕາ ສົ້ນອອກ ແລະ ສົ້ນເຂົ້າພ້ອມກັນນັ້ນ, ວຽກງານຊີນຳບໍລິຫານຈາກລັດຖະບານຕະຫຼອດຮອດບັນດາອົງການທ້ອງຖິ່ນໄດ້ຮັບການເພີ່ມທະວີເພື່ອຮັບປະກັນການປະຕິບັດໃນເວລາກ່ອນທີ່ກົດໝາຍຈະມີຜົນສັກສິດໃນວັນທີ 1 ມັງກອນ 2019.