ປີ 2022, ຍອດທຶນຈົດທະບຽນໃໝ່, ດັດປັບ ແລະ ປະກອບທຶນຊື້ຫຸ້ນຂອງນັກລົງທຶນຕ່າງປະເທດເຂົ້າ ຫວຽດນາມ ບັນລຸເກືອບ 27,72 ຕື້ USD. ເປັນໜ້າສົນໃຈແມ່ນ, ຈຳນວນເງິນທຶນທີ່ປ່ອຍອອກແມ່ນປະມານ 22,4 ຕື້ USD, ເພີ່ມຂຶ້ນ 13,5% ເມື່ອທຽບໃສ່ປີ 2021. ຕາມການໄຈ້ແຍກຂອງບັນດານັກຊ່ຽວຊານແລ້ວ, ຫວຽດນາມ ພວມຢືນຢູ່ຕໍ່ໜ້າ ກາລະໂອກາດໃຫຍ່ໃນເງິນດຶງດູດການລົງທຶນຈາກຕ່າງປະເທດ (FDI) ຄຸນນະພາບສູງໃນປີ 2023.

        ທະນາຄານພັດທະນາ ອາຊີ (ADB) ແລະ ທະນາຄານໂລກ (WB) ໃນບົດອັບເດດເສດຖະກິດມະຫາພາກເດືອນ ທັນວາ 2022 ແລະ ຄາດຄະເນປີ 2023 ໄດ້ຕີລາຄາ ຫວຽດນາມ ມີບັນດາທ່າໄດ້ປຽບທີ່ພົ້ນເດັ່ນເມື່ອທຽບໃສ່ບັນດາຄູ່ແຂ່ງອື່ນ, ຄື: ຄ່າແຮງງານຖືກ, ທີ່ຕັ້ງພູມສາດສະດວກ, ການເມືອງມີສະຖຽນລະພາບ ແລະ ຫຼາຍບຸລິມະສິດຈາກບັນດາສັນຍາການຄ້າ ເສລີ (FTA). ປີ 2023, ເສດຖະກິດໂລກຄາດຄະເນວ່າຍັງມີຄວາມຫຍຸ້ງຍາກຫຼາຍຢ່າງ. ຕາມບັນດານັກຊ່ຽວຊານແລ້ວ, ໄປພ້ອມກັບການຍູ້ແຮງລົງທຶນພື້ນຖານໂຄງລ່າງ, ບັນດາກົນໄກ, ນະໂຍບາຍໜູນຊ່ວຍຂອງລັດຖະບານ, ບັນດາກະຊວງ, ຂະແໜງການ, ທ້ອງຖິ່ນ ຈະສ້າງປະຖົມປັດໄຈໃຫ້ແກ່ການພັດທະນາບັນດາເຈົ້າກຳຂອງລະບົບນິເວດປະດິດຄິດສ້າງໃນທັງໄລຍະສັ້ນ, ໄລຍະຍາວຢ່າງແຮງເພື່ອເປັນພື້ນຖານໃຫ້ ຫວຽດນາມ ສືບຕໍ່ດຶງດູດການລົງທຶນ.