ທ່ານ ໂດ້ຮຸ່ງຫວຽດ ຮອງລັດຖະມົນຕີກະຊວງການຕ່າງປະເທດຫວຽດນາມ (ພາບ: Phương Hoa/TTXVN)

    ວັນທີ 13 ມັງກອນ, ຢູ່ຮ່າໂນ້ຍ, ທ່ານ ໂດ້ຮຸ່ງຫວຽດ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ຕ້ອນຮັບທ່ານນາງ Michele Taylor ເອກອັກຄະລັດຖະທູດ ອາເມລິກາ ປະຈຳ ສະພາສິດທິມະນຸດ ສປຊ. ນະທີ່ນີ້, ທ່ານຮອງລັດຖະມົນຕີ ໂດ້ຮຸ່ງຫວຽດ ຊົມເຊີຍຕໍ່ການແລກປ່ຽນ, ສົມທົບລະຫວ່າງສອງປະເທດ ທີ່ສະພາສິດທິມະນຸດ ສປຊ, ທ່ານສະເໜີໃຫ້ຝ່າຍ ອາເມລິກາ ຈົ່ງຕັ້ງໜ້າສະໜັບສະໜູນບັນດາຂໍ້ລິເລີ່ມ, ການໃຫ້ບຸລິມະສິດຂອງຫວຽດນາມ ຢູ່ສະພາສິດທິມະນຸດ ສປຊ ແລະ ຢືນຢັນວ່າ ຫວຽດນາມ ພ້ອມແລ້ວທີ່ຈະພິຈາລະນາຢ່າງຕັ້ງໜ້າ ບັນດາຂໍ້ສະເໜີຮ່ວມມືຂອງບັນດາປະເທດ ໃນນັ້ນມີອາເມລິກາ, ບົນຈິດໃຈ  “ເຄົາລົບຊື່ງກັນ ແລະ ກັນ, ເຈລະຈາ ແລະ ຮ່ວມມື, ຮັບປະກັນສິດທິມະນຸດໃຫ້ໝົດທຸກຄົນ”.

     ສ່ວນທ່ານນາງ ເອກອັກຄະລັດຖະທູດ Michele Taylor ຢືນຢັນວ່າ ຍາມໃດ ຫວຽດນາມກໍ່ແມ່ນໜຶ່ງໃນບັນດາຄູ່ຮ່ວມມືສຳຄັນຂອງ ອາເມລິກາ, ເຫັນດີເປັນເອະພາບວ່າການພົວພັນຄູ່ຮ່ວມມືຮອບດ້ານ ພວມພັດທະນາຢ່າງດີງາມທີ່ສຸດ; ທ່ານນາງໄດ້ສະແດງຄວາມປາດຖະໜາ ຢາກປະກອບສ່ວນຊຸກຍູ້ການຮ່ວມມືສອງຝ່າຍ, ເວທີປາໄສຫຼາຍຝ່າຍຄື: ສະພາສິດທິມະນຸດ ສປຊ ໃນໄລຍະຈະມາເຖິງ.