(vovworld) - ​ໃນ​ຂອບ​ເຂດ​ການ​ຢ້ຽມຢາມ ​ແລະ ​ເຮັດ​ວຽກ​ຢູ່​ລາວ ​ແຕ່​ວັນ​ທີ 19 – 21/12, ຕອນ​ບ່າຍ​ວັນ​ທີ 20/12 ຢູ່ນະຄອນຫຼວງ​ວຽງ​ຈັນ, ຄະນະ​ຜູ້​ແທນ​ຂັ້ນ​ສູງ​ສະພາ​ມະຫາບັນດິດ​ວິທະຍາສາດ ​ແລະ ​ເຕັກ​ໂນ​ໂລ​ຊີ​ຫວຽດນາມ ​ໂດຍ​ທ່ານ​ສາດ​ສະ​ດາ​ຈານ, ດຣ ​ເຈົາວັນ​ມິ​ງ, ກຳມະການ​ສູນ​ກາງ​ພັກ, ຫົວໜ້າ​​ສະພາ​ມະຫາບັນດິດ​ວິທະຍາສາດ ​ແລະ ​ເຕັກ​ໂນ​ໂລ​ຊີ​ຫວຽດນາມ ​ເປັນ​ຫົວ​ນ້າ​ຄະນະ, ​ໄດ້​ມີ​ການ​ເຈລະຈາ​ກັບ​ຄະນະ​ຜູ້​ແທນ​ສະ​ຖາ​ບັນ​ວິທະຍາສາດ​ແຫ່ງ​ຊາດ​ລາວ, ​ໂດຍ​ທ່ານ​ລັດຖະມົນຕີ. ສາດສະດາຈານ ບໍ່​ວຽງ​ຄຳ ວົງ​ດາລາ ​ເປັນ​ຫົວ​ນ້າ​ຄະນະ. 2 ຝ່າຍ​ໄດ້​ເຫັນ​ດີ​ສົມທົບ​ກັນ​ຈັດ​ຕັ້ງ​ບັນດາ​ຫົວ​​ເລື່ອງ​ຄົ້ນຄວ້າ​ຂຶ້ນ​ກັບຂົງ​ເຂດທີ່​ຈຳ​ເປັນ, ປະກອບສ່ວນ​ໃຫ້ການ​ວາງ​ແຜນ​ນະ​ໂຍບາຍ​ພັດທະນາ​ເສດຖະກິດ, ສັງຄົມ, ຮັບປະກັນ​ການ​ປ້ອງ​ກັນຊາ​ດປ້ອງ​ກັນ​ຄວາມ​ສະຫງົບ​ຂອງ​ແຕ່ລະ​ປະ​ເທດ. 2 ຝ່າຍ​ກໍ່​ເປັນ​ເອກະ​ພາບ​ນຳ​ກັນ​ສຸມ​ໃສ່​ສ້າງສຳ​ເລັດ​ແຜນ​ຮ່າງ​ໂຄງການ “​ເພີ່ມ​ທະວີ​ຄວາມ​ສາມາດ​ໃນ​ການ​ຄົ້ນຄວ້າ​ວິທະຍາສາດ ​ແລະ ຜັນ​ຂະຫຍາຍ​ເຕັກ​ໂນ​ໂລ​ຊີ​ໃຫ້​ສະ​ຖາ​ບັນ​ວິທະຍາສາດ​ແຫ່ງ​ຊາດ​ລາວ ​ໄລຍະ 2014 - 2016”, ພ້ອມ​ທັງ​ສ້າງ​ບັນດາ​ໂຄງການ​ວິທະຍາສາດ​ຈຸດ​ສຸມ ​ໃນ​ຂອບ​ເຂດ​ສັນຍາ​ຮ່າ​ມມື​ຮອບດ້ານ​ລະຫວ່າງ 2  ປະ​ເທດ ​ແລະ ບຸລິມະສິດ​ຮ່ວມ​ມື​ສ້າງ​ໂຄງການ​ດັ່ງກ່າວ.