(vovworld) – ກອງປະຊຸມສຳມະນາແລກປ່ຽນບົດຮຽນການປະຕິບັດງານລະຫວ່າງຫ້ອງວ່າການສະພາແຫ່ງຊາດ ຫວຽດນາມ ແລະ ລາວ ຄັ້ງທີ 7 ໄດ້ຖືກຈັດຕັ້ງໃນວັນທີ 5/8 ຢູ່ນະຄອນ ດ່າໜັງ. ກ່າວຄຳເຫັນທີ່ວະລະໄຂ, ທ່ານຮອງປະທານສະພາແຫ່ງຊາດ ຫວຽດນາມ ອວງຈູລືວ ຢືນຢັນວ່າ: ໃນການພົວພັນຮ່ວມມື, ຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດ, ການພົວພັນລະຫວ່າງສະພາແຫ່ງຊາດ ຫວຽດນາມ ແລະ ລາວ ໄດ້ຮັບການປັບປຸງ ແລະ ພັດທະນາຢ່າງບໍ່ຢຸດຢັ້ງ. 2 ຝ່າຍແລກປ່ຽນຄະນະຜູ້ແທນທຸກຂັ້ນເປັນປະຈຳແນໃສ່ຖອດຖອນບົດຮຽນທີ່ດີ, ແລກປ່ຽນຂໍ້ມູນຂ່າວສານ, ບົດຮຽນ, ຈັດຕັ້ງກອງປະຊຸມ, ກອງປະຊຸມສຳມະນາຄັ້ງຕ່າງໆ... ໃນບັນດາຂົງເຂດວຽກງານ, ຜັນຂະຫຍາຍການຮ່ວມມືລະອຽດຫຼາຍຢ່າງລະຫວ່າງບັນດາອົງການຂອງສະພາແຫ່ງຊາດ 2 ປະເທດ.
ບັນດາຜູ້ແທນເຂົ້າຮ່ວມກອງປະຊຸມສຳມະນາໄດ້ແລກປ່ຽນບົດຮຽນ ກ່ຽວກັບເລື່ອງເປັນເສນາທິການ ປ່ຽນໃໝ່ໃນການເຄື່ອນໄຫວຊ່ວຍວຽກຂອງສະພາແຫ່ງຊາດ, ບົດຮຽນປ່ຽນໃໝ່ວຽກງານຈັດຕັ້ງ ແລະ ບຸກຄະລາກອນຂອງຫ້ອງວ່າການສະພາແຫ່ງຊາດ, ວຽກງານເສນາທິການເຄື່ອນໄຫວພົວພັນຕ່າງປະເທດຂອງສະພາແຫ່ງຊາດ, ບົດຮຽນຮັບໃຊ້ສະມາຊິກສະພາແຫ່ງຊາດ ພົບປະກັບຜູ້ມີສິດເລືອກຕັ້ງຢູ່ທ້ອງຖິ່ນ... ກອງປະຊຸມສຳມະນາຈະສິ້ນສຸດລົງໃນວັນທີ 6/8.