ພິທີມອບຂໍ້ຕົກລົງຂອງປະທານປະເທດ ວ່າດ້ວຍການສົ່ງນາຍທະຫານ 7 ຄົນ ໄປປະຕິບັດໜ້າທີ່ຮັກສາສັນຕິພາບ ສປຊ (ພາບ: qdnd.vn)

ພ້ອມທັງ ສະຫຼຸບອາຍຸການຂອງ ນາຍທະຫານ 2 ຄົນທີ່ໄປປະຕິບັດໜ້າທີ່ຮັກສາສັນຕິພາບ ສປຊ ຢູ່ ສາທາລະນະລັດ ອາຟະລິກາກາງ ແລະ ຊູດັງໃຕ້. ທ່ານ ພົນໂທ ຮວ່າງຊວັນຈ໊ຽນ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະຊີ້ນຳກະຊວງປ້ອງກັນປະເທດກ່ຽວກັບການເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ຮຽກຮ້ອງໃຫ້ນາຍທະຫານແຕ່ລະຄົນ ຈົ່ງສືບຕໍ່ເຊື່ອມຊຶມ, ປະຕິບັດທັດສະນະ, ແນວທາງການຕ່າງປະເທດຂອງພັກ, ລັດ, ກອງທັບປະຊາຊົນ ຫວຽດນາມ ຢ່າງເຂັ້ມງວດ; ຮັກສາຄວາມສາມັກຄີພາຍໃນ ແລະ ສ້າງຄວາມສາມັກຄີກັບເພື່ອນຮ່ວມງານສາກົນ ແລະ ສ້າງສາຍສຳພັນກັບປະຊາຊົນຢູ່ບໍລິເວນ, ຜ່ານນັ້ນ ປະກອບສ່ວນຊຸກຍູ້ການເຄື່ອນໄຫວຮັກສາສັນຕິພາບ ສປຊ ຂອງ ຫວຽດນາມ ໃຫ້ນັບມື້ນັບເປັນມືອາຊີບ ແລະ ມີປະສິດທິຜົນກວ່າອີກ.