(VOVWORLD) -ໂດຍໄດ້ຮັບຄຳເຊື້ອເຊີນຂອງ ທ່ານລັດຖະມົນຕີກະຊວງການຕ່າງປະເທດ ບຸຍແທັງເຊີນ, ທ່ານຮອງປະທານາທິບໍດີ , ລັດຖະມົນຕີກະຊວງການຕ່າງປະເທດ ສະວິດ Ignazio Cassis ເດີນທາງມາຢ້ຽມຢາມ ຫວຽດນາມ ຢ່າງເປັນທາງການໃນລະຫ່ວາງວັນທີ 4 - 6 ສິງຫາ 2021.
 ທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທັງເຊີນ ແລະ ທ່ານຮອງປະທານາທິບໍດີ , ລັດຖະມົນຕີກະຊວງການຕ່າງປະເທດ ສະວິດ Ignazio Cassis (ພາບ: baoquocte.vn) |
ຕອນເຊົ້າວັນທີ 5 ສິງຫາ, ທີ່ການເຈລະຈາຢູ່ ສຳນັກງານກະຊວງການຕ່າງປະເທດ ຫວຽດນາມ, ທ່ານ ບຸຍແທັງເຊີນ ແລະ ທ່ານ Ignazio Cassis ໄດ້ຢັ້ງຢືນການພົວພັນລະຫວ່າງ ຫວຽດນາມ ແລະ ສະວິດ ພວມພັດທະນາອັນດີງາມໃນຫຼາຍຂົງເຂດ.
ເພື່ອສືບຕໍ່ພັດທະນາກ່ວາການພົວພັນສອງຝ່າຍ ໃຫ້ສົມກັບກຳລັງຄວາມສາມາດຂອງສອງລັດ, ລັດຖະມົນຕີສອງທ່ານໄດ້ເຫັນດີເປັນເອກະພາບເພີ່ມທະວີການແລກປ່ຽນຄະນະຜູ້ແທນ ແລະ ການພົບປະຂັ້ນສູງ ລະຫວ່າງບັນດາກະຊວງ, ຂະແໜງການ, ທ້ອງຖິ່ນ, ຜ່ານນັ້ນເຮັດໃຫ້ຄວາມເຂົ້າໃຈ ແລະ ຄວາມໄວ້ເນື້ອເຊື່ອໃຈເຊິ່ງກັນແລະກັນເລິກເຊິ່ງກ່ວາອີກ, ຊຸກຍູ້ການຮ່ວມມືຢ່າງແທ້ຈິງໃຫ້ແກ່ໄລຍະຫຼັງໂລກລະບາດໂຄວິດ - 19
ສອງຝ່າຍສືບຕໍ່ຢັ້ງຢືນແຜນນະໂຍບາຍສ້າງສະພາບແວດລ້ອມແຫ່ງສັນຕິພາບໃຫ້ແກ່ປະຊາຄົມວິສາຫະກິດສອງປະເທດເປີດກວ້າງການຮ່ວມມື, ລົງທຶນ, ດຳເນີນທຸລະກິດ ຢູ່ຕະຫຼາດຂອງກັນ, ແບ່ງປັນຄວາມມານະພະຍາຍາມສິ້ນສຸດການເຈລະຈາສັນຍາການຄ້າ ເສລີລະຫວ່າງ ຫວຽດນາມ ແລະ ສະມາຄົມການຄ້າເສລີ ເອີລົບ (EFTA) ໂດຍໄວ…
ເນື່ອງໃນໂອກາດນີ້, ທ່ານລັດຖະມົນຕີ ບຸ່ຍແທັງເຊີນກໍ່ສະເໜີ ລັດຖະບານ ສະວິດສືບຕໍ່ສ້າງເງື່ອນໄຂສະດວກໃຫ້ແກ່ປະຊາຄົມຊາວຫວຽດນາມ ອາໄສຢູ່ ສະວິດ ເຊື່ອມຕົວໃຫ້ເປັນຢ່າງດີ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາຂອງ ສະວິດ, ກໍ່ຄືເພີ່ມທະວີການພົວພັນມິດຕະພາບ ແລະ ການຮ່ວມມືລະຫວ່າງ ສອງປະເທດ.