ເລື່ອງກອງປະຊຸມສຸດຍອດຄັ້ງທີ 2 ລະຫວ່າງ ອາເມລິກາ - ສປປ.ເກົາຫຼີີ ຖືກດໍາເນີນຢູ່ຮ່າໂນ້ຍ ໄດ້ດຶງດູດຄວາມສົນໃຈພິເສດຈາກສື່ມວນຊົນສາກົນ. ມີນັກຂ່າວເກືອບ 3000 ຄົນ ທີ່ມາຈາກ 40 ປະເທດ ແລະ ເຂດແຄວ້ນ ໄດ້ມາຫວຽດນາມ ເພື່ອເອົາຂ່າວ ແລະ ບົດໃນໂອກາດນີ້. ດັ່ງນັ້ນ ນອກຈາກການຮັບໃຊ້ດ້ານພະລາທິການໃຫ້ບັນດາຄະນະຜູ້ແທນເຂົ້າຮ່ວມກອງປະຊຸມແລ້ວ,ຫວຽດນາມ ກໍສະຫງວນບຸລິມະສິດພິເສດໃຫ້ບັນດານັກຂ່າວຕ່າງປະເທດອີກດ້ວຍ.

          ໂດຍຕີລາຄາວ່າ ນັກຂ່າວສາກົນສວມບົດບາດສໍາຄັນໃນເລື່ອງສົ່ງສານ ອອກສູ່ໂລກ ທີ່ວ່າ ຫວຽດນາມ ດິນແດນແຫ່ງສັນຕິພາບ, ຮັກແຂກຄົນ ສະນັ້ນ, ໃນໂອກາດນີ້, ຫວຽດນາມ ໄດ້ສ້າງທຸກເງື່ອນໄຂສະດວກເພື່ອໃຫ້ສື່ມວນຊົນສາກົນມາເອົາຂ່າວ ແລະ ບົດ, ນັບແຕ່ຂັ້ນຕອນແຈ້ງເອກະສານເຂົ້າເມືອງ ຕະຫຼອດຮອດການຮັບບັດເຄື່ອນໄຫວ ຢູ່ ກອງປະຊຸມ. ຫວຽດນາມ ໄດ້ສ້າງສໍາເລັດສູນສື່ມວນຊົນສາກົນ (IMC) ທັນສະໄໝ, ປະກອບລະບົບໂທລະຄົມມະນາຄົມ, ໂທລະພາບດີຈີຕອນ, ສາມາດຮັບໃຊ້ນັກຂ່າວກວ່າ 3.000 ຄົນ ໃນເວລາດຽວກັນ.  ອ້າຍ David Nathan Huntt, ນັກຂ່າວໜັງສືພິມ Asia Times ຕີລາຄາວ່າ:

        “ສູນສື່ມວນຊົນຂອງຫວຽດນາມ ໄດ້ຮັບການກະກຽມເປັນຢ່າງດີ ແລະ ເປັນມືອາຊີບທີ່ດີ ແລະ ໄດ້ປະກອບ ອຸປະກອນທີ່ທັນສະໄໝ. ທັງນີ້ ຈະຊ່ວຍໃຫ້ສື່ມວນຊົນເຄື່ອນໄຫວໄດ້ດີ ແລະ ພາບພົດຂອງ ຫວຽດນາມ ຈະຖືກໂຄສະນາສື່ໄປຍັງທົ່ວໂລກໃນໂອກາດນີ້”.

ສູນສື່ມວນຊົນສາກົນ ທັນສະໄໝ, ປະກອບລະບົບໂທລະຄົມມະນາຄົມ, ໂທລະພາບດີຈີຕອນ, ສາມາດຮັບໃຊ້ນັກຂ່າວກວ່າ 3.000 ຄົນ ໃນເວລາດຽວກັນ

        ສ່ວນທາງນະຄອນຮ່າໂນ້ຍ,ການນໍານະຄອນກໍຮັບປະກັນທຸກເງື່ອນໄຂ ທີ່ດີທີ່ສຸດໃຫ້ແກ່ນັກຂ່າວສາກົນມາເຄື່ອນໄຫວ. ທ່ານປະທານ ຄະນະກໍາມະການປະຊາຊົນນະຄອນ ຮ່າໂນ້ຍ ຫງວຽກດຶກຈູງ ໃຫ້ຮູ້ວ່າ:

        “ທາງນະຄອນ ກໍໄດ້ສັບຊ້ອນລົດເມສອງຊັ້ນ 04 ຄັນ ໂດຍບໍ່ເສຍຄ່່າ, 10 ນາທີ ຈະມີຖ້ຽວໜຶ່ງ ເພື່ອສົ່ງນັກຂ່າວເຖິງບັນດາສະຖານທີ່ທັງໝົດເພື່ອດໍາເນີນວິຊາການ. ໄປຄຽງຄູ່ກັນນັ້ນ, ພວກຂ້າພະເຈົ້າ ກໍໄດ້ເຊີນຊ່ວນບັນດານັກສິລະປິນທາງດ້ານອາຫານການກິນ ມາປຸງແຕ່ງອາຫານເຍື່ອງຕ່າງໆທີ່ມີຊື່ສຽງຂອງຮ່າໂນ້ຍ ຄື ເຝິ, ເຂົ້າປຸ້ນຊີ້ນປິ້ງ, ກາເຟໄຂ ... ເພື່ອຮັບໃຊ້ຢູ່ສູນສື່ມວນຊໄນ, ສໍານັກໂທລະພາບໃຫຍ່ບາງແຫ່ງ ກໍສະເໜີສະໜອງ 2 – 3 ສະຖານທີ່ຢູ່ອ້ອມແອ້ມ ໜອງເຕົາ, ພວກຂ້າພະເຈົ້າ ກໍສະໜອງໜ້າພຽງລ້າໆ ແລະ ຮັບປະກັນຄວາມສະຫງົບປອດໄພ. ນອກຈາກນັ້ນ, ຕອນຄໍ່າວັນທີ 26 – 28 ກຸມພາ, ຢູ່ອະນຸສາວະລີ ຫຼີຖ໊າຍໂຕ໋ ກໍໄດ້ຈັດບັນດາລາຍການສະແດງສິລະປະ ເພື່ອຂໍ່ານັບຮັບຕ້ອນເຫດການດັ່ງກ່າວອີກດ້ວຍ”.

        ກົມໃຫຍ່ທ່ອງທ່ຽວຫວຽດນາມ ກໍໄດ້ຜັນຂະຫຍາຍ tour ທ່ອງທ່ຽວ ໂດຍບໍ່ເສຍຄ່າຈໍານວນໜຶ່ງ ເພື່ອຢູ່ ຮ່າໂນ້ຍ ແລະ ສະຖານທີ່ທ່ອງທ່ຽວບາງແຫ່ງທີ່ມີຊື່ສຽງຢູ່ພາກເໜືອ ແລະ ພາກກາງ ໃຫ້ແກ່ນັກຂ່າວຕ່າງປະເທດໃນໂອກາດນີ້.

        ເລື່ອງຫວຽດນາມ ແລະ ນະຄອນຮ່າໂນ້ຍ ສ້າງເງື່ອນໄຂສະດວກໃຫ້ບັນດານັກຂ່າວສາກົນດໍາເນີນວິຊາການ ໃຫ້ຂ່າວກ່ຽວກັບກອງປະຊຸມສຸດຍອດຄັ້ງທີີ 2 ອາເມລິກາ - ສປປ.ເກົາຫຼີ ໄດ້ປະກອບສ່ວນສື່ສານໄວທີ່ສຸດກ່ຽວກັບເຫດການສໍາຄັນນີ້ອອກສູ່ໂລກ ພ້ອມທັງກໍແມ່ນໂອກາດເພື່ອໂຄສະນາກ່ຽວກັບປະເທດຫວຽດນາມ ສະໜິດສະໜົມ ແລະ ຮັກສັນຕິພາບ.