ຫວຽດນາມ ສະໜັບສະໜູນ ການເຈລະຈາຢູ່ສະພາ ສິດທິມະນຸດ ກ່ຽວຂ້ອງເຖິງມຽນມາ, ອີຣານ ແລະ ສປປ.ເກົາຫຼີ
(ພາບປະກອບ: AFP)
(vovworld) - ວັນທີ 17/03, ສະພາສິດທິມະນຸດສະຫະປະຊາຊາດ ໄດ້ດຳເນີນບັນດາວາລະເຈລະຈາກ່ຽວກັບສະພາບການຮັບປະກັນ ແລະ ຊຸກຍູ້ສິດທິມະນຸດຢູ່ມຽນມາ, ສປປ.ເກົາຫຼີ ແລະ ອີຣານ. ກ່າວຄຳເຫັນທີ່ວາລະປຶກສາກາລືກ່ຽວກັບມຽນມາ, ທ່ານເອກອັກຄະລັດຖະທູດຫວຽດນາມ ຫງວຽນຈຸງແທ່ງ, ຫົວໜ້າຄະນະຜູ້ຕາງໜ້າຫວຽດນາມ ຄຽງຂ້າງຫ້ອງວ່າການສະຫະປະຊາຊາດ, ອົງການການຄ້າສາກົນ ແລະ ບັນດາອົງການສາກົນອື່ນຢູ່ເຊີແນວ, ປະເທດສະວິດ, ເນັ້ນໜັກວ່າ ປະຊາຄົມສາກົນຄວນສືບຕໍ່ຮ່ວມມືກັບມຽນມາ ບົນພື້ນຖານເຄົາລົບອະທິປະໄຕ, ເອກະລາດຂອງມຽນມາ. ດຳເນີນການເຈລະຈາສ້າງສາ ແລະ ຮ່ວມມືຢ່າງຈິງໃຈ ເພື່ອແນໃສ່ປັບປຸງ ແລະ ເສີມຂະຫຍາຍບັນດາຜົນງານເຊິ່ງປະເທດນີ້ບັນລຸໄດ້ໃນວິວັດການຫັນເປັນປະຊາທິປະໄຕ, ໄກ່ເກ່ຍປ່ອງດອງຊາດ, ພັດທະນາເສດຖະກິດ, ຮັບປະກັນສິດຂອງປະຊາຊົນ. ຫວຽດນາມ ເຊື່ອໝັ້ນວ່າ ມຽນມາ ພວມມີບັນດາບາດກ້າວເດີນຢ່າງຖືກທິດມຸ່ງໄປເຖິງສັນຕິພາບ, ຄວາມປອດໄພ ແລະ ວັດທະນາຖາວອນ. ຫວຽດນາມ ພ້ອມແລ້ວທີ່ຈະຊ່ວຍເຫຼືອມຽນມາ ຍົກສູງຄຸນນະພາບຊີວິດການເປັນຢູ່ ແລະ ຊຸກຍູ້ການປົກປ້ອງສິດຂອງປະຊາຊົນ ແລະ ພ້ອມແລ້ວທີ່ຈະແບ່ງປັນບົດຮຽນຂອງຕົນກ່ຽວກັບການກໍ່ສ້າງປະເທດຄືນໃໝ່, ພັດທະນາເສດຖະກິດສັງຄົມ ແລະ ເຊື່ອມໂຍງເຂົ້າກັບພາກພື້ນ ແລະ ສາກົນ.
ແລະກໍ່ໃນວັນດຽວກັນ, ສະພາສິດທິມະນຸດ ກໍ່ດຳເນີນບັນດາວາລະປຶກສາຫາລືກ່ຽວກັບສະພາບການຂອງອີນຣານ ແລະ ສປປ.ເກົາຫຼີ.