(VOVWORLD) -ວັນທີ 21 ມັງກອນ, ທ່ານນາຍົກລັດຖະມົນຕີ ຫງວຽນຊວັນຟຸກ ມີການໂອ້ລົມທາງໂທລະສັບກັບທ່ານ ນາຍົກລັດຖະມົນຕີ ອົດສະຕາລີ Scott Morrison ເພື່ອແລກປ່ຽນກ່ຽວກັບການພົວພັນສອງຝ່າຍ ແລະ ບັນດາບັນຫາໃນພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ.
 ທ່ານນາຍົກລັດຖະມົນຕີ ຫງວຽນຊວັນຟຸກ ໂອ້ລົມທາງໂທລະສັບກັບທ່ານ ນາຍົກລັດຖະມົນຕີ ອົດສະຕາລີ Scott Morrison (ພາບ: VGP) |
ນາຍົກລັດຖະມົນຕີສອງທ່ານໄດ້ຢັ້ງຢືນນ້ຳໃຈມິດຕະພາບ, ຄວາມເຂົ້າໃຈ ແລະ ເຊື່ອໝັ້ນເຊິ່ງກັນແລະກັນແມ່ນ ກຳລັງໜູນຢ່າງແຮງເພື່ອຊຸກຍູ້ການຮ່ວມມືລະຫວ່າງ ສອງປະເທດໃຫ້ນັບມື້ນັບມີປະສິດທິຜົນ, ເລິກເຊິ່ງກ້ວາງຂວາງ, ເຫັນດີເປັນເອກະພາບຈະສືບຕໍໍໍ່ຊຸກຍູ້ການສະໜິດຕິດພັນດ້ານເສດຖະກິດລະຫວ່າງສອງປະເທດ, ສະຫງວນແຫຼ່ງກຳລັງ ແລະ ການໜູນຊ່ວຍຫວຽດນາມ ສຳຜັດກັບແຫຼ່ງວັກຊິນຢ່າງມີປະສິດທິຜົນ ແລະ ມີຄວາມປອດໄພ, ເພີ່ມທະວີການຮ່ວມມືຢູ່ບັນດາກົນໄກ, ເວທີປາໄສໃນພາກພື້ນ ແລະ ສາກົນ
ການນຳສອງທ່ານໄດ້ຢັ້ງຢືນຄວາມສຳຄັນໃນການເພີ່ມທະວີການຮ່ວມມື, ຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ ແລະ ຄວາມເສລີໃນການເດີນເຮືອ ແລະ ການບິນ, ຮັບປະກັນສິດ ແລະ ຜົນປະໂຫຍດອັນຊອບທຳກໍ່ຄືຂໍ້ກຳນົດຂອງ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS)1982, ແກ້ໄຂບັນດາການຂັດແຍ້ງກັນໂດຍສັນຕິວິທີ ອີງຕາມກົດໝາຍສາກົນ, ໃນນັ້ນມີ UNCLOS 1982,ປະຕິບັດ DOC ຢ່າງຄົບຖ້ວນ ແລະ ມີປະສິດທິຜົນ, ມຸ່ງໄປສູ່ການບັນລຸໄດ້ COC ຢ່າງແທດຈິງ, ມີປະສິດທິຜົນ ແລະ ເໝາະສົມກັບກົດໝາຍສາກົນ ລວມມີ UNCLOS 1982.