ບັນດາປະເທດສະມາຊິກສະພາຄວາມໝັ້ນຄົງ ສປຊ ເຂົ້າຮ່ວມກອງປະຊຸມທາງອອນລາຍ  ພາບ: TTXVN

ນະທີ່ນີ້, ເປັນຄັ້ງທຳອິດທີ່ມີ 2 ປະເທດຕາງໜ້າແມ່ນສະມາຊິກ ອາຊຽນ ແລະ ກໍ່ພວມຮັບບົດບາດເປັນກຳມະການບໍ່ປະຈຳການສະພາຄວາມໝັ້ນຄົງ, ຫວຽດນາມ ແລະ ອິນໂດເນເຊຍ ໄດ້ມີບົດກ່າວຄຳເຫັນລວມ ພ້ອມກັນຕີລາຄາສູງບົດບາດນຳໜ້າຂອງ ອີຢູ ໃນການຊຸກຍູ້ລັດທິຫລາຍຝ່າຍ.

        ທ່ານເອກອັກຄະລັດຖະທູດ ດັ້ງດີງກຸຍ, ຫົວໜ້າຄະນະຜູ້ຕາງໜ້າ ຫວຽດນາມ ແລະ ທ່ານເອກອັກຄະລັດຖະທູດ Dian Triansyah Djani, ຫົວໜ້າຄະນະຜູ້ຕາງໜ້າ ອິນໂດເນເຊຍ ປະຈຳສະຫະປະຊາຊາດ ພ້ອມກັນຕີລາຄາສູງບົດບາດຂອງ ອີຢູ ໃນການຮັກສາສັນຕິພາບ ແລະ ຄວາມໝັ້ນຄົງສາກົນ ແລະ ປາດຖະໜາຢາກໃຫ້ ອີຢູ ສົມທົບກັບສະຫະປະຊາຊາດ ຈະສືບຕໍ່ຊຸກຍູ້ການຮ່ວມມືໃນບັນດາຂົງເຂດຄື ແກ້ໄຂການປະທະກັນ, ເປັນຜູ້ໄກ່ເກ່ຍ, ໜູນຊ່ວຍດ້ານມະນຸດສະທຳ ແລະ ຊຸກຍູ້ລັດທິຫລາຍຝ່າຍເຄື່ອນໄຫວໂດຍອີງໃສ່ບັນດາຫຼັກການຂອງກົດບັດສະຫະປະຊາຊາດ.

        ຫວຽດນາມ ແລະ ອິນໂດເນເຊຍ ກໍ່ສະເໜີໃຫ້ບັນດາອົງການຈັດຕັ້ງພາກພື້ນ ໃນນັ້ນ ມີ ອີຢູ ແລະ ອາຊຽນ ມີການສົມທົບກັນ ເພື່ອຊຸກຍູ້ບັນດາເນື້ອໃນການຮ່ວມມືກັບສະຫະປະຊາຊາດໃຫ້ດີກ່ວາ ເປັນຕົ້ນແມ່ນເລື່ອງ ອີຢູ ເພີ່ມທະວີການໜູນຊ່ວຍສ້າງກຳລັງຄວາມສາມາດໃຫ້ແກ່ກຳລັງຮັກສາສັນຕິພາບສະຫະປະຊາຊາດຂອງບັນດາປະເທດສະມາຊິກ ອາຊຽນ ແລະ ແບ່ງປັນຂໍ້ມູນໃນຂົງເຂດດັ່ງກ່າວ.